ئەڤرۆ رۆژا ئەینی رێکەفتی ٢٩ی نیسانا ٢٠٢٢ێ شاندەکێ وەلاتێ هۆلەندا ب سەرۆکاتیا خانم “لیشیە شراینماخەر” وەزیرا دەولەتێ بۆ کاروبارێن بازرگانیا دەرڤە و هەماهەنگیا گەشەپێدانێ سەرەدانا پارێزگەها دهۆکێ کر. ژلایێ خانم”بێگەرد تالەبانی” وەزیرا چاندن و ژێدەرێن ئاڤێ و بەرێز”د.عەلی تەتەر” پارێزگارێ دهۆکێ و بەرێز “بشار مشیر ئاغا” خودانێ کۆمپانیا K.H بۆ وەبەرهێنانا چاندنێ و پیشەسازیا بازرگانی ل ناوچەداریا روڤیا ل سنورێ دەڤەرداریا بەردەرەش هاتنە پێشوازیکرن.
دهەڤدیتنێدا ب بەرهەڤبوونا بەرێز “میشێل رێنتەنار” بالیۆزێ هۆلەندا ل عیراقێ و کونسلێ هۆلەندا ل هەرێما کوردستانێ، وەزیرا چاندن و ژێدەرێن ئاڤێ یا حکۆمەتا هەرێما کوردستانێ باس ل پەیوەندیێن دناڤبەرا هەردوو وەلاتان و پلان و بەرنامێن حکۆمەتا هەرێما کوردستانێ بۆ پێشخستنا کەرتێ چاندنێ دگەل حکومەتا هۆلەندا کر و هەماهەنگی و پشتەڤانیا وان دڤی بیاڤی بلند نرخاند و دادیارکرن کار لسەر پێشڤەبرن و پەرەپێدانا پەیوەندیان دکەرتێ چاندنێدا دکەن.
پاشان شاندێ مێهڤان سەرەدانا پشکێن جودا یێن کۆمپانیا K.H کر کو پرۆژەکێ هەڤپشکێ هەرێما کوردستانێ و هۆلەندایە و ژنێزیک بەرهەمێ چاندی یێن پتاتێن ئەڤ سالە دناڤ زەڤیێن پتاتادا دیت و هەروەسا سەرەدانا قوناغێن ئاڤاکرنا پرۆژێ کارگەها جوتیار کر.
ژهەژی گوتنێە حکومەتا هەرێما کوردستانێ گرنگیەکا زۆر ب کەرتێ چاندن و ژێدەرێن ئاڤێ ددەت و رێژا چاندنێ ژ ١،٥٪ بۆ زێدەتر ژ ٨٪ بلندبوویە.
