ب هەلکەفتا دەربازبوونا (31) ساڵا ل سەر دامەزراندنا تەلەفزیونا دهۆک ئەڤرۆ سپێدێ رۆژا چارشەمبى 3/ گولانا/2023 ێ بەرێز ماجد سەید سالح پارێزگارێ دهۆکێ ب وەکالەت سەرا بارەگایێ تەلەفزیونا ناڤبرى دا ژلایێ هەلکەفت عبدالواحد رێڤەبەرێ تەلەفزیونێ وستافێ کارى پێشوازى لێ هاتە کرن.
پارێزگارێ دهۆکێ ب وەکالەت بناڤێ بەرێز د.عەلى تەتەر پارێزگارێ دهۆکێ وکارگێریا پارێزگەهێ پیروزباهى ل کارگێریا تەلەفزیونێ وهەموو کارمەندان کر ورولێ تەلەفزیونا دهۆک باش هەلسەنگاندن هەمبەر ئەو خەبات وخزمەتا ل ڤان سیهوئێک سالێن دەربازبوى دبوارێ راگەهاندنێ دا وزمان وکلتور ورەوشەنبیرى یا کوردى دا پێشکێشکرى وخواست کو تەلەفزیونا دهۆک بەردەوامیێ بدەتە بەرنامە وکار وخەباتا خو وبرەنگەکێ پیشەیى خزمەتا هەموو خەلکێ دەڤەرێ بکەت.
هەژى گوتنێ یە ل 3-5-1992 تەلەفزیونا دهۆک هاتیە دامەرزاندن وخزمەتەکا بەرچاڤ دبوارێ راگەهاندنێ وبزاڤا ئاڤەدانکرنا دەڤەرێ دا پێشکێشکریە.
