ئەڤرۆ نیڤرۆ رۆژا سێشەمبى 9/ گولانا/2023 ێ بەرێز د.عەلى تەتەر پارێزگارێ دهۆکێ هەڤدیتنەک دگەل بەریز(کلاوس ڤور ڤادەر) بەرپرسێ گشتیێ پۆلیسێن ئاگرڤەمراندنا توتلینگ کر.
دهەڤدیتنێ دا ب ئامادەبونا رێڤەبەرێ بەرەڤانیا شارستانى ل دهۆکێ بەحسێ ئەنجامێن باش یێن وێ خولا تایبەت یا کو ژلایێ بەرپرسێ گشتیێ پۆلیسێن ئاگرڤەمراندنا توتلینگ بو هژمارەکا کارمەندێن رێڤەبەریا بەرەڤانیا شارستانى یا پارێزگەها دهۆکێ هاتیە ڤەکرن و مفا وەرگرتن ژ سەربورا سازیێن ئاگر ڤەمراندنێ ل ئەلمانى ب گشتى هاتە کرن.
پارێزگارێ دهۆکێ سوپاسیا بەریز(کلاوس ڤور ڤادەر) کر وخواست کو کارمەندێن ئاگر ڤەمراندنێ یێن پارێزگەهێ مفا ژخولێ وەرگربیت وب پراکتیک هەموو بەرنامێن خولێ بجه بینن.
ئەڤێ خولێ حەفت رۆژا بەردەواکربوو .
هەژى گوتنێ یە ئەڤ خولە هاتە ڤەکرن پشتى رێکەفتنا دەستخوشکاتیێ دناڤبەرا باژێرێ دهۆکێ و باژێرێ شتوتگەر پایتەختێ ویلایەتا بادن ڤوتن بێرگ ل ئەلمانیا هاتیە ئەنجامدان وهەردوو لا چەندین رێکەفتنێن کارگێرى و رەوشەنبیرى وپەیوەندیێن دى ئەنجامداینە بو خزمەتکرنا هاولاتیێن هەردوو باژێرا.
