ئەڤرۆ رۆژا چوارشەمبی رێکەفتی ٢٢ی خزیرانا ٢٠٢٢ێ ب سەرپەرشتیا بەرێز “د.عەلی تەتەر” پارێزگارێ دهۆکێ ب ئامادەبوونا جێگرێ پارێزگاری و رێڤەبەرێ گشتی یێ چاندن و ژێدەرێن ئاڤێ و رێڤەبەریێن پەیوەندیدار کۆمبوونەکا تایبەت ل دۆر بیرێن ئاڤێ هاتە ئەنجامدان.
لدەستپێکا کۆمبوونێ پارێزگارێ دهۆکێ راگەهاند: بابەتێ ئاڤێ و ژێدەرێن ئاڤێ بابەتەکێ زۆرێ هەستیار و ستراتیژیە پێدڤیە ب هوشیاری سەردەری دگەلدابهێتەکرن و مفا ژ ژێدەرێن ئاڤا سەرد بهێتەوەرگرتن هندی مەپێ چێبیت دەستکاریا ئاڤا ژێرئەرد نەکەین. پارێزگارێ دهۆکێ دۆپاتکر بابەتێ ئاڤێ بابەتەکێ نشییمانیە داکو تووشی کێشەیێن مەزنێن ژینگەهێ و هشکبوونا ئەردا نەبین ب هویری ڤەدیتن بۆ کۆلانا بیرا و لدویڤ پێدڤیاتیێ لدویڤ رێنما بهێتەدان.
پارێزگارێ دهۆکێ لایەنێن پەیوەندیدار راسپاردن ئەولەویەتا کارێ مە دابینکرنا ئاڤا پاقژا ڤەخارنێیە، پاشی دابینکرنا ئاڤێ بۆ چاندن و داروباری ب دادپەروەری بهێتەدان.
دکۆمبوونێدا دوپاتی ل رێنمایێن حکۆمەتا هەرێما کوردستانێ هاتەکرن کو ب رێکخستی بیر بهێنەکۆلان ل دەڤەرێن دەشت بیر ٥٠٠ میتران ژێک دویربن و ل دەڤەرێن چیایی ٢٥٠ میتران زێدەباری رێنمایێن دی یێن وەزارەتا چاندنا و ژێدەرێن ئاڤێ یا حکۆمەتا هەرێما کوردستانێ.
