ئەڤرۆ رۆژا ئێکشەمبی رێکەفتی ٢٢ی گۆلانا ٢٠٢٢ێ ب ئامادەبوونا بەرێز “د.عەلی تەتەر” پارێزگارێ دهۆکێ و رێڤەبەرێ گشتی یێ ئەوقاف و کاروبارێن ئاینی ل پارێزگەها دهۆکێ و دەڤەردارێ سێمێلێ و سەرۆکێ ئێکەتیا زانایێن ئاینێ ئیسلامێ لقێ دهۆک و هژمارەکا زۆر ژ کەسایەتی و خەلکێ دەڤەرێ مزگەفتا “حەجی جەعفەر سلێڤانەی”کو ژلایێ خێرخاز “نزار جەعفەر” هاتیەئاڤاکرن هاتەڤەکرن.
دپەیڤەکێدا پارێزگارێ دهۆکێ دەستخۆشی ل خێرخازی و هەر کەسێ بەژداریێ دئاڤاکرنا مزگەفت و هەر جهەکێ خێرێ بگەهینیە بەرژەوەندیا گشتی کر و باس ل رۆلێ گرنگێ ماموستایێن ئاینی دناڤا جڤاکیدا بۆ گەهاندنا پەیاما پیرۆزا ئاینی و بەرقەراکرنا ئاشتی و پێکڤەژیان و نشتیمانپەروەری و گەهاندنا بهایێن بلندێن رەوشتی کر و رۆلێ وان بلندسەنگاندن.
دمەراسیما ڤەکرنا مزگەفتێدا هەر ئێک ژ رێڤەبەرێ گشتی یێ ئەوقاف و کاروبارێن ئاینی و سەرۆکێ ئێکەتیا زانایێن ئاینێ پیرۆزێ ئیسلامێ و خێرخاز “نزار جەعفەر” پەیڤەک پێشکێشکر، ژهەژی گوتنێیە مزگەفتا ناڤبری ل سەر رۆبەرێ ٣٧٥٠ میتران و ژ دوو قاتان کو دوو هولەکا ٩٠٠ میتری بو نڤێژکەڕا و هۆلەکا تایبەت بۆ ئافرەتان و لێنانگەهـ و هولەکا بەهیان و کارگێریا مزگەفتێ و خانیەک بۆ مامۆستایێ مزگەفتێ پێکدهێت.
