ئەڤرۆ ئێڤارى رۆژا چارشەمبى 14/خزیرانێ /2023 ێ ل کوچکا مێهڤانداریا بەرێز د.عەلى تەتەر پارێزگارێ دهۆکێ پێشوازیا شاندێ نوشدارێن کومەڵا کلدانى ئەمریکى کر.
دهەڤدیتنەکێدا ب ئامادەبونا بەرێزان دەسکو شێروانى ئەندامێ نونەراتیا حکومەتا هەرێمێ ل ئەمریکا ورێڤەبەرێ گشتى یێ ساخلەمیێ ل پارێزگەهێ بەحسێ پێکڤە ژیانا ئولى ونەتەوەیى ورەوشا دام ودەزگەهێن تەندورستى ل دەڤەرێ وئەو خزمەتا پێشکێشدکەن هاتە کرن.
پارێزگارێ دهۆکێ خوشحالیا خو ب سەرەدانێ دیارکر وگوت: لدووڤ راسپاردێن سەروک مەسعود بارزانى ئەم گرنگییەکا تایبەت ددەینە پێکڤەژیانا ئولى ونەتەوەیى وهەموو پێکهاتەیان جهێ خو دناڤ سیستەمێ دەستهەلاتا کارگێرى دهەرێمێ دا هەیە وخواست کوئەڤ سەرەدانە ببیتە هوکارەک کو پەیوەندیێن دوو قولى دناڤبەرا سازیێن هەرێمێ وکومەلا نوشدارێن کلدانى ئەمریکى دهەموو بواراندا پتر پێش بکەڤن.
شاندنێ ناڤبرى ژى تەکەزکر کو وان دڤێت پەیوەندیێن خو پتر خوشبکەن وپتر هاریکاریێن تەندورستى پێشکێشى دەڤەرێ بکەن.
هەژى گوتنێ یە ئەڤ سەرەدانە هاتە ئەنجامدان پشتى ل هەیاما دەربازبوى شاندەکێ پارێزگەهێ ب سەروکاتیا بەرێز د.عەلى تەتەر سەرەدانا ویلایەتا مشیگن ل وەلاتێ ئەمریکا کرى وچەندین دیدار وهەڤدیتن دگەل کومەڵا ناڤبرى کرین کو پەیوەندیێن تەندورستى دناڤبەرا هەردوو ئالیان داپتر بهێنە خوشکرن.
