پشتی رۆیدانا دلتەزینا باژێرێ نسیبنێ ل وەلاتێ تورکیا ب مەرەما گەهاندنا پرسە و هەڤخەمی و ئیدانەکرنا وێ تاوانا مەزن شاندەکێ سازی و کەسایەتیێن مێردین و نسێبینێ سەرەدانا پارێزگەها دهۆکێ کریە و ژلایێ بەرێز “د.عەلی تەتەر” پارێزگارێ دهۆکێ و بەرێز “حەمید عەلی” سەرپەرشتێ دەروازێ نیڤدەولەتی یێ کۆمەلگەها ئیبراهیم خەلیل و جێگرێ پارێزگاری و رێڤەبەرێ گشتی یێ ئەوقاف و کاروبارێن ئاینی هاتنە پێشوازیکرن. د دوو پەیڤێن جودادا موفتیێ مێردینێ و سەرۆکێ سازیێن مێردینی بناڤێ خەلک و دامو دەزگەهێن وان سەرەخوشی ل پارێزگارێ دهۆکێ و هاولاتیێن پارێزگەها دهۆکێ کرن و هەڤخەمیا خۆ دەربری و پشتەڤانیا خۆ بۆ جێبەجێکرنا یاسایێ دوپاتکر و دیارکر هەتا یاسا جهێ خۆدگریت ئەم دێ دیڤچوونا ڤێ کەیسێ کەین.
پارێزگارێ دهۆکێ دپەیڤەکێدا بخێرهاتنا شاندێ مێڤانکرن و راگەهاند رۆیدانەکا دلتەزین و دلئێشە هیڤیدارین عەدالەت و قانون رۆلێ خۆ بگێریت.
