ئەڤرۆ رۆژا دووشەمبی رێکەفتی ٨ی گۆلانا ٢٠٢٣ێ بەرێز “د.عەلی تەتەر” پارێزگارێ دهۆکێ پێشوازی ل بەرێز “فوتوتسشی ماتسوموتو” بالیوزێ یابانێ ل عیراقێ و شاندێ دگەلدا کرن.
پشتی بخێرهاتنێ شاندێ مێهڤان خۆشحالیا خۆ ب سەرەدانا پارێزگەها دهۆکێ دیارکر و پارێزگەها دهۆکێ ب ئێک ژپارێزگەهێن جوان و گرنک وەسفکر، دهەڤدیتنێدا هەردوولا باس ل هەماهەنگیا زێدەتر دبیاڤێن جودایێن بازرگانی و پرۆژێن خزمەتگۆزاری کرن و پارێزگارێ دهۆکێ سۆپاسیا رێکخراوێن یابانێ و هاریکاریێن وان بۆ ئاوارەوپەنابەر و پێشکێشکرنا خزمەتگۆزاریان کر و هیڤیا بەردەوامیێ دخواست.
دلایەکێ دی یێ هەڤدیتنێدا هەردوولا هیڤی خواست ل دەمەکێ نێزیک پرۆژێ هایدوپاوەرێ دێرەلۆک ب دوماهی بهێت و بکەڤیتە دخزمەتا هاولاتیاندا کو ژلایێ وەلاتێ یابانێ دهێتە بجهئینان.
