ئەڤ شەڤە بەرێز “د.عەلی تەتەر” پارێزگارێ دهۆکێ پێشوازی ل خانم “ئەلیس وایریمو نێریتو” راوێژکارا تایبەتا سکرتێرێ گشتی یێ نەتەوێن ئێکگرتی بو رێگریکرن ل جینوسایدێ و شاندێ دگەلداکر.
دهەڤدیتنێدا باس ل رەوشا مافێن مرۆڤی پشتی شەرێ تیرورستێن چەپەلێن داعش و تاوانێن هوڤانە یێن بەرامبەر خەلکێ شنگال و نەینەوا و دەڤەرێن دی هاتینە ئەنجامدان و کەسوکار و خەلکێ وان دەڤەرائاوارە ل پارێزگەها دهۆکێ و چەوانیا دانەنیاسینا ڤان تاوانێن هوڤانە ب جینوساید و رێگری ل ئەنجامدانا وان کر.
هەردوولا دۆپاتی ل بەرنامە و پلانێن ستراتیژی بۆ نەهێلانا کاریگەریێن جینوسایدێ ل سەر لێقەومی و کەسوکارێن وان و هەولێن نەتەوێن ئێکگرتی بۆ ئاسایکرنا رەوشا وان دەڤەرا کر و هیڤی خواست ب زویترین دەم و ب گرەنتی و سلامەتی ئارامی و ئاسایش ل وان دەڤەران بەرقەراربیت.
