ئەڤرۆ رۆژا چوارشەمبی رێکەفتی ٢٧چریا ئێکێ ٢٠٢١ێ بەرێز “د.عەلی تەتەر” پارێزگارێ دهۆکێ پێشوازی ل شاندەکێ ئێکەتیا ئەوروپا ب سەروکاتیا خانم”ماریا پارت“ نوینەرا ئێکەتیا ئەوروپا ل هەرێما کوردستانێ کر.
دهەڤدیتنێدا ل دور پەیوەندیێن هەرێما کوردستانێ و ئێکەتیا ئەوروپا و رەوشا سیاسی و پشتی هەلبژارتنێن جڤاتا نوینەرێن عیراقێ و رەوشا دەڤەرێن سنوری و ئێمناهیێ و ئاوارەوپەنابەران هاتەدانوستاندنکرن.
پارێزگارێ دهۆکێ بخێرهاتنا پشتی شاندێ مێهڤان خوشحالیا خودەربری سۆپاسیا ئێکەتیا ئەوروپا بو هەماهەنگی و هاریکاریا بەردەوام کر و ل دور رەوشا پارێزگەها دهۆکێ و ئەنجامێن هەلبژارتنان و بانگەشەیا هەلبژارتنان دیارکر دکەشوهەوایەکێ ئارام و کێم وێنەدا و دویر ژ گرژی و ئالوزیان پروسا هەلبژارتنان ب رێڤەچوون و پشتی دەرکەفتنا ئەنجامان ژی هیڤیدارین کاندیدێن سەرکەفتیێن پارێزگەها دهۆکێ وەکو ئێک تیم بچنە بەغدا و بەرەڤانیێ ژمافێن هاولاتیێن پارێزگەها دهۆکێ بکەن.
هەروەسا پارێزگارێ دهۆکێ لدور رەوشا دەڤەرێن سنوری رونکرنێن پێدڤی دانە ئێکەتیا ئەوروپا و سەبارەت برینا داران و تێکدانا ژینگەها دەڤەرێ ژلایێ چەکدارێن تورکیا ڤە پارێزگارێ دهۆکێ راگەهاند: ئەم ب هویری چاڤدێریا رەوشا وان دەڤەران دکەین و نەرازیبوونا خو دەردبرین و مە نەرازیبوونا خو دەربری یە و دگەل لایەنێن پەیوەندیدار یێن تورکیا دێ وی بابەتی بەحسکەین. سەبارەت رەوشا دەڤەرا شنگال و دەوروبەرا و ئاوارە و پەنابەران پارێزگارێ دهوکێ راگەهاند تاکە رێکا چارەسەریێ بجهئینانا رێکەفتنا دناڤبەرا حکومەتا هەرێما کوردستانێ و حکومەتا فیدرالیدایە.
شاندێ ئێکەتیا ئەوروپا سۆپاسیا پێشوازیا گەرما پارێزگارێ دهۆکێ کر و دوپاتی ل هەماهەنگی و تەنسیقا بەردەواما دگەل حکومەتا هەرێما کوردستانێ و پارێزگەها دهۆکێ دەربری. شاندێ ئێکەتیا ئەوروپا ب پارێزگارێ دهوکێ راگەهاند: سۆپاسیا هەوە دکەین کو هەوە کەمپ نەگرتین مە دڤێت خەلک ب کەرامەت بژیت و ئەڤ ئاوارەوپەنابەرە بهێنە پاراستن.
پارێزگارێ دهوکێ دبەرامبەر دا راگەهاند ئاوارەوپەنابەر خویشکوبرایێن مەنە و یا مە پێ چێ بیت و دشیانێن مەدا بیت دێ بو ئەنجامداین و هندی وان پێخوش بیت و ئارامیا دەڤەرێن وان دمەترسیێ دابیت ئەم دێ دخزمەتا وان دابین و هیڤیە دڤی بیاڤیدا هەمی لایەک هاریکارێن مەبن.
