ئێڤاریا ئەڤرۆ رۆژا سێشەمبی رێکەفتی ١٦ی تەباخا ٢٠٢٢ێ بەرێز “د.عەلی تەتەر” پێشوازی ل شاندەکێ بلندێ کۆمارا ئەلمانیا فیدرال ب سەرۆکاتیا خانم” ئینگرید هوڤن” ئەنداما بوردێ رێکخراوا G.I.Z و دگەل بەرێز “سڤین مولەر” کونسلێ کۆمارا ئەلمانیا فیدرال ب وەکالەت یێ هەرێما کورستانێ کر.
دهەڤدیتنێدا پارێزگارێ دهۆکێ پشتی بخێرهاتنا شاندێ مێهڤان باس ل رۆلێ گرنگێ کۆمارا ئەلمانیا دهاریکاریێن مرۆڤایەتیدا و هێزێن پێشمەرگێ کوردستانێ بلند نرخاند و ب تایبەتی هاریکاریێن ئاوارەوپەنابەران و ئەو پرۆژێن ل هەرێما کوردستانێ و پارێزگەها دهۆکێ ئەنجامدایی ب گرنگ و پێدڤی و دجهێ خودا بناڤکرن.
شاندێ مێهڤان سۆپاسیا هەماهەنگی و هەڤکاریا کارگێریا پارێزگەها دهۆکێ و ئاسانکاریێن بۆ ئەنجامدا پرۆژە و خزمەتگۆزاریان کر و دۆپاتی ل خۆرتکرنا پەیوەندیان و بەرەڤ پێشڤەبرنا پەیوەندیان کر.
