ئەڤرۆ رۆژا ئەینی ٢٣ی خزیرانا ٢٠٢٣ێ ل هەرێما باکۆرێ ئاڤا راین ل کۆمارا ئەلمانیا فیدرال بەرێز “د.عەلی تەتەر” پارێزگارێ دهۆکێ” و شاندێ دگەلدا ژلایێ خانم “ مونا نيوباور” جێگرا سەرۆکێ ئەنجوومەنێ وەزیرێن هەرێما باکۆرێ ئاڤاراین و وەزیرا “دارایی و ئابۆری و پیشەسازی و وزێ” هاتنە پێشوازیکرن.
دهەڤدیتنەکێدا دانوستاندن ل دۆر پێشڤەبرنا پەیوەندیان دبوارێ” ئابۆری، بازرگانی وەبەرهێنان، هێزا پاقژ دا” هاتەکرن. دوپاتی ل خۆرتکرنا پەیوەندیان دڤان بیاڤاندا هاتەکرن و هەردوولا کاروبزاڤێن وەبەرهێنانێ یێن گرۆپێ کۆمپانیایێن کاڤین بلند سەنگاند کو چەندین گرێبەست دگەل وەلاتێ ئەلمانیا هەنە.
پارێزگارێ دهۆکێ سۆپاسیا پێشوازیا گەرما جێگرێ سەرۆک وەزیران کرن و هیڤیا زێدەتر خۆرتکرنا پەیوەندییان خواست.
