ب مەرەما هایداربوو ن ل سەر وان هاریکاریێن ژلایێ خەلکێ پارێزگەهێ هاتینە کومکرن ودهێنە هنارتن بو لێقومیێن بیڤەلرزا وەلاتێن ترکى وسوریێ ئەڤرۆ سپێدێ رۆژا ئێکشەمبى 12/ ئادارا /2023 بەرێز د.عەلى تەتەر پارێزگارێ دهۆکێ سەرا عومبارێن تایبەت ب کومکرنا هاریکاریا بو لێقومیێن بیڤەلرزا ترکى وسوریێ ل دەڤەرا سێجێ ل سنورێ دەڤەرداریا سێمێلێ دا ژلایێ پیردەیان جەعفەر رێڤەبەرێ کوچ وکوچبەران وبەرسڤ دانا قەیرانان و وەحیدئەتروشى بەرپرسێ دەزگایێ خێرخازێ بارزانى ل پارێزگەها دهۆکێ پێشوازى لێ هاتە کرن .
پارێزگارێ دهۆکێ ژنێزیک سەحکرە ئەو هاریکارى وکەلو وپەلێن هاتینە کومکرن ودهێنە بەرهەڤکرن کو بهێنە هنارتن بو لێقەومیێن بیڤەلەرزێ ل وەلاتێ ترکى وسوریێ.
پارێزگارێ دهۆکێ دکونگرەکێ رۆژنامەڤانیدا دیارکر کو چەند رۆژەکن رێڤەبەریا کوچ وکوچبەران وب هەڤکارى دگەل دەزگەهێ خێرخازێ بارزانى بەرهەڤیا دکەن بو هنارتنا کاروانەکا دى یێن هاریکاریا بو لێقەومیێن بیڤەلەرزێ .
هەروەسا گوت: ئەڤ هاریکاریە دپێک هاتینە ژ کەل وپەلێن خارنێ وجل وبەرگ وپێدڤیێن ژیانێ ولڤان رۆژا کاروانەکێ دى یێ پێک هاتى ژ(10) بارهلگرا دێ هێنە رەوانەکرن وئەڤە نە کاروانێ ئێکێ ودوماهیێ یە بەلکو ل دووڤ پێدڤیێن خەلکێ زەرەمەند هاریکارى دێ بو هێنە هنارتن.
