ئەڤرۆ رۆژا پێنچ شەمبی رێکەفتی٢٠٢٠/١٠/٢٢ بەرێز “د.عەلی تەتەر” پارێزگارێ دھۆکێ، ب ئامادەبوونا جێگرێ پارێزگاری سەرپەرشتیا کومبوونەکێ دگەل دەڤەردارێن پارێزگەھا دھۆکێ کر.
دکومبوونێ دا چەندین تەوەرێن گرێدایی رەوشا بەربەلاڤبوونا نەخۆشیا ڤایرۆسێ کۆرۆنایێ، پرۆسا خواندنا سالا “٢٠٢٠-٢٠٢١”، بابەتێ بەلاڤکرنا گازا سپی ل سەر مالان، و چەوانیا ئاسانکاریان بۆ ب رێڤەبرنا مامەلەیێن وەلاتیان و چەند بابەتێن دی یێن گرێدایی خزمەتێن گشتی و ژیانا رۆژانە یا وەلاتیان دان و ستاندن ل سەر ھاتەکرن.
بەرێز پارێزگارێ دھۆکێ دوپاتی ل سەر کێمکرنا رۆتینێ و زۆی ب رێڤەبرنا مامەلەیێن وەلاتیان کر و پشتی ھەلسەنگاندنا تەوەرێن کۆمبوونێ چەند رێنما و بریارێن پێدڤی ھاتنە دان کو ژلایێ دەڤەردارێن دھۆکێ و دام و دەزگەھێن پەیوەندیدار ڤە دێ ھێنە بجھئینان.
