ئه‌ڤرو سپێدێ 25/8/2019 به‌رێز به‌هزارد عه‌لی ئاده‌م پارێزگه‌رێ دهوكێ ب وه‌كاله‌ت پێشوازیا به‌رێز بیگه‌رد تاله‌بانی وه‌زیرا چاندنێ یا حكومه‌تا هه‌رێما كوردستانێ و شاندێ دگه‌لدا كر ,
دهه‌ڤدیتنه‌كێ ب ئاماده‌بونا دكتور له‌زگین عه‌ساف رێڤه‌به‌رێ گشتی یێ چاندنێ ل پارێزگه‌ها دهوكێ به‌حسێ ره‌وش و سه‌روبه‌رێ چاندنێ و جوتیاران ل سنورێ پارێزگه‌ها دهوكێ وئه‌گه‌رێن كێم بها بونا به‌رهه‌مێ جوتیارێن ده‌ڤه‌رێ و چاوانیا چاره‌كرنا وێ ئاریشا مه‌زن یا جوتیارا هاته كرن .
پارێزگه‌رێ دهوكێ داكوكی ل پشته‌ڤانی كرنا جوتیارا وپه‌یدا كرنا بازاری بو به‌رهه‌مێ جوتیارێن ده‌ڤه‌رێ كر و گوت پێدڤیه ل وه‌رزێ به‌رهه‌مێ جوتیارێن ده‌ڤه‌رێ رێك ل به‌رهه‌مێ بیانی بهێته گرتن داكو به‌رهه‌مێ جوتیارێن كوردستانێ بێبها نه‌بیت ,
وه‌زیرا چاندنێ ژلایێ خوڤه دیار كر كو وان به‌رنامه و پلانێن باش بو چوار سالێن بهێت داناینه بو په‌یدا كرنا بازارێ جوتیارێن هه‌رێمی و پشته‌ڤانی كرنا جوتیارا و باشكرنا به‌رهه‌مێ وان ,,
هه‌ژی گوتنێ یو كو وه‌زیرا چاندنێ بو ماوێ چه‌ند روژا دێ ل دهوكێ مینیت و سه‌ره‌دانا هژماره‌كا قه‌زایێن پارێزگه‌هێ كه‌ت
