ل دویڤ راسپاردێن سه‌روكێ حكومه‌تا هه‌رێما كوردستانێ رێزدارنێچیرڤان بارزانی ژبو چاره‌سه‌ركرنا ئاریشێن ئه‌ردی ل گوندێن برا مه‌سیحیا ل سه‌رانسه‌ری پارێزگه‌ها دهوكێ ئه‌ڤرو سپێدێ 7-12-2016به‌رێز فه‌رهاد ئه‌مین ئه‌تروشی پارێزگه‌رێ دهوكێ سه‌روكێ لیژنا بلند یا چاره‌سه‌ركرنا ئاریشێن ئه‌ردی ل گوندێن برا مه‌سیحیا كومبونه‌ك دگه‌ل قایمقامێن قه‌زایێن پارێزگه‌ها دهوكێ ئه‌نجامدا ل ده‌ستپێكا كومبونێ وب ئاماده‌بونا نوینه‌رێن هه‌ردوو گوندێن (سێجێ وقه‌شه‌فرێ) دان وستاندن تێروته‌سه‌ل ل سه‌ر ئاریشێن ئه‌ردی ل هه‌ردوو گوندێن ناڤبری هاتنه كرن وئاریشه حاله‌ت حاله‌ت هاتنه به‌رچافكرن .
پاش به‌رهه‌ڤبویێن كومبونێ دان وستاندن ل سه‌ر ئاریشێن دی ل قه‌زایێن پارێزگه‌هێ كرن وحاله‌ت حاله‌ت هاتنه به‌رچاڤكرن دگه‌ل دیاركرنا رێكێن چاره‌سه‌ركرنێ وبریار هاته دان ئه‌و ئاریشێن دبن ده‌ستهه‌لاتا لیژنا بلندا ب رێكێن یاسایی بهێنه چاره‌سه‌ركرن وئاریشێن ده‌رڤه‌ی ده‌سته‌هه‌لاتا لیژنا بلند دێ بو جڤاتا وه‌زیران هێنه بلندكرن كو ل وێرێ بریارا چاره‌سه‌ركرنێ ل سه‌ر بهێته دان.
پارێزگه‌رێ دهوكێ ته‌كه‌زكر كو دڤێت هه‌موو ئاریشه ب هوربینی بهێنه به‌رچاڤكرن وب رێكێن یاسایی بهێنه چاره‌سه‌ركرن وخواست هه‌موو لایه‌ن دهاریكاربن بو چاره‌سه‌ركرنا هه‌ر ئاریشه‌كێ.
