ژبو گه‌هاندنا سه‌رخوشیا ل ئه‌میندار وسه‌ركرداتیا ئێكگرتویا ئیسلامی كوردستان و ب هه‌لكه‌فتا تیروركرنا ماموستا (د.هشیارئیسماعیل) ئه‌ڤرو سپێدێ26-11-2016به‌رێز فه‌رهاد ئه‌مین ئه‌تروشی پارێزگه‌رێ دهوكێ ودگه‌لدا به‌رێزان بهزاد علی ئاده‌م جێگرێ پارێزگه‌رێ دهوكێ وئیسماعیل محمد احمد هاریكارێ پارێزگه‌ری بو كاروبارێن ئاواره وپه‌نابه‌ران وچه‌ند رێڤه‌به‌رێن فه‌رمانگه‌هێن میری سه‌را مه‌لبه‌ندێ سێ یێ ئێكگرتویا ئیسلامی كوردستان داو ژلایێ به‌رێزان سعید علی عبو سه‌روكێ ئه‌نجومه‌نێ گشتی یێ سه‌ركردایه‌تیا ئێكگرتویا ئیسلامی و(د.محمد مسته‌فا) به‌رپرسێ مه‌لبه‌ندێ سێ وچه‌ند ئه‌ندامێن مه‌لبه‌ندی پێشوازی لێ هاته كرن.
د هه‌ڤدیتنه‌كێ دا پارێزگه‌رێ دهوكێ ب ناڤێ كارگێریا پارێزگه‌هێ سه‌رخوشی ل ئه‌میندارێ گشتی یێ ئێكگرتوی ئیسلامی ماموستا صلاح الدین بهائه‌دین و سه‌ركردایه‌تیا ئێكگرتوی ئیسلامی كوردستان و بنه‌مالا شه‌هید (د.هشیار ئیسماعیل ) كرن و ژخودێ خواست كو جهێ شه‌هیدی بكه‌ته به‌هه‌شتا به‌رین وسه‌برو وهه‌دارێ بده‌ته مالباتا شه‌هیدی وكه‌س وكارێن وی وخواست كو بزوترین ده‌م تاوانبار بهێنه ئاشكراكرن وبهێنه دادگه‌هكرن، هه‌وه‌سا گوت ئومیده‌وارین ئه‌ڤ جوره تاوانه ل سنورێ پارێزگه‌ها دهوكێ نه‌هێنه ئه‌نجامدان، چونكو ئه‌ڤ كریاره كارتێكرنا خو یا ده‌روونی وجڤاكی ل سه‌ر خه‌لكی په‌یدادكه‌ت .
ژلایێ خوڤه سعید علی عبو سه‌روكێ ئه‌نجومه‌نێ گشتی یێ سه‌ركردایه‌تیا ئێكگرتوی ئیسلامی خوشحالیا خو ب سه‌ره‌دانا شاندێ پارێزگه‌هێ دیاركر وگوت مه باوه‌ری هه‌یه تاوانبار ب زوترین ده‌م دێ هێنه ئاشكراكرن وگه‌هنه سزایێ خو وگوت ئه‌ڤ جوره تاوانه دوو دلیێ دئێخنه دلێ هه‌موو خه‌لكی ویافه‌ره ئه‌م هه‌موو كاربكه‌ین بو موكمكرنا ئێك رێزیا ملله‌تێ خو .
تێ گوتن شه‌هید ماموستا (د.هشیار ئیسماعیل ) ل روژا 22ڤێ مه‌هێ ل به‌ر ده‌رێ مالا خو ل هه‌ولێرا پایته‌خت ب ده‌ستێ هنده‌ك تاوانبارا هاتیه تیروكرن ، ناڤبری خه‌لكێ ده‌ڤه‌رداریا به‌رده‌ره‌شه و ژدایك بویێ سالا 1976بویه.
