ئه‌ڤرو سپێدێ 4/ 12/2019 به‌رێز به‌هزاد على ئاده‌م پارێزگه‌رێ دهوكێ ب وه‌كاله‌ت هه‌ڤدیتنه‌ك دگه‌ل شانده‌كێ ژینگه پارێز یێ سوێدى سازكر.
شاند یێ پێك هاتى بوو ژبه‌رێزان (شێل فورس ) شاره‌زا دبوارێ بایلوجى وژینگه‌هێ دا و(سوهه‌یله فورس) ئه‌نداما سه‌ركردایه‌تیا پارتا دیموكراتیا مه‌سیحى ل سوید /جڤاك ناس و(گوران ئه‌میرى) شاره‌زا دبوارێ بایلوجى وژینگه‌هێ دا.
دهه‌ڤدیتنه‌كێدا ب ئاماده‌بونا رێڤه‌به‌رێ گشتى یێ باژێرڤانیان ل پارێزگه‌ها دهوكێ به‌حسێ ره‌وشا ژینگه‌ها كوردستانێ وچاوانیا پێشئێخستن وپاراستنا وێ ب رێكێن زانستى تایبه‌ت پاراستنا دارستانا وئه‌و عه‌ردێ مه‌رتسى ل سه‌ر كو ب هه‌رفیت هاته كرن.
پارێزگه‌رێ دهوكێ ب وه‌كاله‌ت خوشحالیا خو ب سه‌ره‌دانا شاندێ ناڤبرى دیاركر وده‌ست خوشى ل كار وبه‌رنامێن وان كر بو پاراستن وپێشئێخستنا ژینگه‌ها سروشتى یا كوردستانێ وپشته‌ڤانیا كارگێریا پارێزگه‌هێ نیشان دا بو به‌رنامێ شاندى وسه‌ركه‌فتن بو خواست.
شاندێ ژینگه پارێز یێ سوێدى لبه‌ره هه‌ڤدیتنا دگه‌ل زانكو وسیاسه‌تمه‌دارێن پارێزگه‌ها دهوكێ ئه‌نجامده‌ت وگه‌نگه‌شا لسه‌ر به‌رنامێ خو یێ ژینگه پارێزیێ ئالوگوركه‌ن بو وێ یه‌كێ مفا ژهزر وبیرێن وان بهێته كرن ولدوڤ پلانه‌كا گشتگیر پاراستنا ژینگه‌هێ بهێته كرن.
