ل رۆژا 22/ 9/2019 به‌رێز ماجد سه‌ید صالح پارێزگه‌رێ دهوكێ ب وه‌كاله‌ت پێشوازیا به‌رێز ( جیمس سورنتون ) كونسلێ نوو یێ وه‌لاتێ بریتانیا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد احمد هاریكارێ پارێزگه‌رى بو كاروبارێن مروڤایه‌تى به‌حسێ ره‌وشا پارێزگه‌ها دهوكێ بگشتى وره‌وشا ئاواره وپه‌نابه‌ران وپه‌یوه‌ندیێن هه‌رێما كوردستانێ دگه‌ل وه‌لاتێ بریتانیا دوارێ سیاسى ودبلوماسى وئابورى وله‌شكرى دا هاته كرن.
پارێزگه‌رێ دهوكێ ب وه‌كاله‌ت خوشحالیا خو ب سه‌ره‌دانا شاندێ ناڤبرى دیاركر وبناڤێ پارێزگه‌رێ دهوكێ وبناڤێ كارگێریا پارێزگه‌هێ پیروزباهیا كونسلێ نوو یێ بریتانیا كر وسه‌ركه‌فتن بو خواست هه‌روه‌سا سوپاسیا وه‌لاتێ بریتانیا كر كو ل سالێن ده‌ربازبوى تایبه‌تى ل شه‌رێ دژى تیرورستێن داعش بریتانیا گه‌له‌ك هاریكاریا پێشمه‌رگێ كوردستانێ كریه بو شكاندنا تیرورستێن داعش هه‌روه‌سا گه‌له‌ك هاریكاریێن مروڤایه‌تى پێشكێشى ئاواره وپه‌نابه‌ران كریه وخواست بریتانیا به‌رده‌وام پشته‌ڤانیا هه‌رێما كوردستانێ بكه‌ت ودهه‌موو بیاڤان دا.
ژلایێ خوڤه كونسلێ بریتانیا ته‌كه‌زكر كو وه‌لاتێ وى دێ به‌رده‌وامیێ ده‌ته خوشكرنا هه‌موو جورێن په‌یوه‌ندیان دگه‌ل هه‌رێما كوردستانێ وهه‌موو پشته‌ڤانییه‌كێ پێشكێش كه‌ن بو وێ یه‌كێ هه‌رێما كوردستانێ بمینیت جهه‌كێ ئارام وپێشكه‌فتى هه‌روه‌سا دێ سه‌را چه‌ند كه‌مپێن ئاواره وپه‌نابه‌ران ده‌ن وژنێزیك ره‌وشا رونشتڤانێن وان كه‌مپا بزانن ویا پێدڤى بو ئه‌نجامده‌ن.
