ل 27/6/2015 ب سه‌رپه‌رشتیا به‌رێز فه‌رهاد ئه‌مین پارێزگه‌رێ دهوكێ كومبونا لژنا وه‌به‌رئینانێ ل پارێزگه‌ها دهوكێ هاته به‌ستن ,
دكومبونێ پارێزگه‌رێ دهوكێ دیار كر كو ئارمانج ژ ساز كرنا كومبونێنه به‌رده‌وام یێن وه‌به‌رئینانێ رێكخستنا كه‌رتێ ناقبری یه داكو ئه‌و پروژێن دڤی واری داد هێنه بجهئینان مفا دار بن و لدیف پێدڤیا ده‌ڤه‌رێ بهێنه بجهئیان و دیار كر كو پێدڤیه لژنا وه‌به‌رئینانێ بزاڤێ بكه‌ت كاره‌كێ باشتر بكه‌ت و سترتتیژیه‌ك بو ڤی كه‌رتێ گرنگ بهێته دانان ,
هه‌روه‌سا پارێزگه‌رێ دهوكێ داكوكی ل سه‌ر وه‌به‌رئینانا چاندنێ و پیشه‌سازیا چاندنێ كر ژبه‌ر كو ده‌ڤه‌ر پێدڤی ب پروژێن بڤی ره‌نگی یه و دێ پێتر خزمه‌تا ده‌ڤه‌رێ و خه‌لكێ وێ هێته كرن ,
دیڤدا گه‌نگه‌شا بابه‌تێن كومبونێ هاته كرن كو ژ هژماره‌كا پروژێن وه‌به‌رئینانێ پێك دهاتن وه‌كو پروژێن په‌روه‌ردێ و ساخله‌میێ و گه‌شتیاری و عمبارێن ته‌زاندنا فیقی ,پشتی ده‌نگه‌شه و دان و ستاندن ل سه‌ر وان بابه‌تا هاتیه كرن 5 بریارێن باژێرڤانیێ په‌سه‌ند كرن دگه‌ل 2 پروژێن ساخله‌میێ و 2 یێن گه‌شتیاری و ئێك پروژێ په‌روه‌ردێ ,
هه‌ژی گوتنێ یه كارێ لژنا وه‌به‌رئینانێ ل پارێزگه‌هێ كو ب سه‌روكاتی و سه‌رپه‌رشتیا رێزدار پارێزگه‌رێ دهوكێ یه ,,, ته‌رخانكرنا ئه‌ردێ پێدڤی بو پروژێن وه‌به‌رئینانێ و گه‌نگه‌شه‌كرنا پروژا و چاره‌سه‌ركرنا كێشێن گرێدای ب ئه‌ردی ڤه و بریار دان ل سه‌ر پروژێن پێدڤی و گرنگ ,,
