ئه‌ڤرو نیڤرو 30/4/2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ كومبونه‌كا تابیه‌ت دگه‌ل به‌لێنده‌رێن ب كارێ چێكرنا رێكێن سه‌ره‌كی رادبن گرێدا ,,دكومبونێ دا ب ئاماده‌بونا كوردو ئه‌سعه هاریكارێ پارێزگه‌رێ دهوكێ و سه‌روكێ لقێ دهوك یێ سه‌ندیكا به‌لێنده‌رێن كوردستانێ ,, به‌راهیێ پارێزگه‌رێ دهوكێ كورتیه‌ك دا سه‌ر سه‌روبه‌رێ دارایی و كارتێكرنا قه‌یرانا نوكه یا دارایی ل سه‌ر هه‌می سه‌كته‌رێن ژیانێ و بتایبه‌تی په‌ككرنا بجهئینان و تمام كرنا پروژا و ته‌ئكید ل سه‌ر هندێ كر كو پێدڤیه هه‌می به‌لینده‌ر كارێن خو ب دلپاكی و بێ راوه‌ستان بكه‌ن چونكو رێك گه‌له‌ك گرنگن و پێدڤیه بهێنه تمام كرن ,
دیڤدا كوهداریا گل و گازنده و پێدڤیێن به‌لینده‌ر و ئه‌گه‌رێن نه برێڤه‌چونا كاری وه‌كو پێدڤی كر و هه‌ر به‌لێنده‌ره‌كی ئه‌گه‌رێن راوه‌ستان و نه‌برێڤه‌چونا كاری ل دیف ئاستی پێدڤی دیار كرن ,
ژلایێ خوڤه پارێزگه‌رێ دهوكێ ته‌ئكید ل سه‌ر بجهئینانا پروژا بیێ راوه‌ستان و ب كوالیتیه‌كا باش یا كاری كر و دیار كر كو پێدڤیه كار ب خه‌مخوری ب رێڤه‌بچیت و ئه‌و كارێن ل ژێر بجهئینانی پێدڤیه بهێنه تمام كرن و هه‌ر به‌لێنده‌ره‌كێ ب دورستی كارێ خو نه‌كه‌ت و ب كوالیتیه‌كا باش كاری نه‌كه‌ت ل دیف یاسای دێ هێته سزا دان و ناڤێ كومپانیا وی چیته دلیستا ره‌ش دا ,
هه‌روه‌سا پشته‌ڤانی و هاریكاری و هه‌فكاریا پارێزگه‌هێ بو وان به‌لێنده‌ر و پروژێن كارێ وان ب دورستی برێڤه‌دچیت و ئاسته‌نگ هه‌بن دوپاتكر
