ئه‌ڤرو ئێڤارى 6/7/2020 ل هولا كوچكا مێهڤانداریا به‌رێز د.على ته‌ته‌ر پارێزگه‌رێ دهوكێ كومبونه‌ك دگه‌ل رێڤه‌به‌رێن گشتى یێن فه‌رمانگه‌هێن میرى ئه‌نجامدا .
دكومبونێدا به‌حسێ ره‌وشا ئێمناهیێ ل ده‌ڤه‌رێ وپێدڤیێن خه‌لكێ پارێزگه‌هێ ب پروژێن خزمه‌تكارى وسه‌ره‌ده‌ریا روژانه یا فه‌رمانگه‌هێن میرى دگه‌ل خه‌لكى وچاوانیا برێڤه‌به‌رنا داخازى وماملێن وه‌لاتیان ب گشتى هاته كرن .
دلایه‌كێ دیێ كومبونێدا به‌حسێ وان قه‌یران وئاسته‌نگان هاته كرن یێن ب سه‌ر هه‌رێمێ وپارێزگه‌هێ دا هاتین وبوینه هوكار وه‌كو پێدڤى خزمه‌تكارى نه هاتینه پێشكێشكرن.
پارێزگه‌رێ دهوكێ په‌سنا رولێ رێڤه‌به‌ریێن گشتى یێن خزمه‌تكارى كر كو ل سالێن ده‌ربازبوى ل دوڤ شیانێن به‌رده‌ست خزمه‌تا خه‌لكێ پارێزگه‌هێ كریه وته‌كه‌زى ل سه‌ر به‌رده‌وامیا گه‌هاندنا خزمه‌تكاریا بو هاولاتیان كر وگوت: دڤێت هه‌موو فه‌رمانگه‌ه وه‌كو ئێك تیم كار وخزمه‌تان دچارڤێ قانونێ دا پێشكێش بكه‌ن.
هه‌روه‌سا ته‌كه‌زى ل سه‌ر پێگریكرنا فه‌رمانبه‌ران ب ده‌واما فه‌رمى كر وگوت : دڤێت ئه‌م هه‌موو پشته‌ڤانیێ ل به‌رنامێ چاكسازیێ یێ حكومه‌تا كوردستانێ بكه‌ین وخو ل گله وگازندێن هاولاتیان بكه‌ین خودان و داخازیێن وان لبه‌ر چاڤ وه‌رگرین و هه‌ولده‌ین پروژێن نیڤه‌روو توماكه‌ین هه‌روه‌سا یێن نوو ژى بجهئینین وبه‌رده‌وامیێ ده‌ینه سه‌خبێركرنا پروژێن خزمه‌تكارى و هه‌موو كار وپروژه ب كولیتیه‌كا باش بهێنه چێكرن وهه‌موو ئاسانكارى دچارچوڤێ قانونێ دا وبێ جیاوازى بو وه‌لاتیان بهێنه كرن وروتین بهێته كێمكرن نه‌خاسمه ده‌مێ مامه‌له دهێنه برێڤه‌برن وپشته‌ڤانیا كارگێریا پارێزگه‌ها دهوكێ نیشان دا بو گه‌هاندنا هه‌موو خزمه‌تكاریان بو هاوه‌لاتیان.
