ئهڤرو پشتی نیڤرو ل 2-9-2015 بهرێز فههاد ئهمین ئهتروشێ پارێزگهرێ دهوكێ دگهل رێڤهبهریێن گشتی یێن خزمهتكاری و قایمقامێ شنگارێ كومبو بو گهنگهشه كرنا پێدڤی و كێم و كاسیێن دهڤهرا شنگار و ئهو دهڤهرێن هاتینه رزگار كرن ,
بهراهیێ گوهداریا پێدڤیێن خزمهتكاری یێن وان دهڤهرێن رزگار كری و خهلك لێ ئاكنجی ژلایێ پروژێن خزمهتكاری ڤه هاته كرن و قایمقامێ شنگار كهرت كهرت بهحسێ پێدڤیان و دیار كرو گوت ئهوا ژلایێ پارێزگهها دهوكێ و رێڤهبهریێن خزمهتكاریێن وێ ڤه هاتیه كرن جهێ ریز و سوپاسیێ یه و ئاماژه كره وان كێماسیێن ماین بو چارهكرنێ دبیاڤێ ئاڤ و كارهب و ساخلهمی و باژێرڤانی و پهروهردێ دا ,
دیڤدا رێڤهبهرێن بهرهڤ بوی بهحسێ وان كارا كر یێن تانوكه ل سنورێ دهڤهرێن رزگاری كری یێن شنگارێ هاتینه كرین و بهردهوامن و ئاستهنگێن كاری دیار كرن ,
پارێزگهرێ دهوكێ ژلایێ خوڤه رێڤهبهریێن خزمهتكاری ههمی راسپاردن ل دیف شیانا هاریكاریا وان دهڤهرا بكهن و دیار كر ئهگهر سهرهدانهكا مهیدانی بو كومهلگهها سنونێ و جهێن دی بهێته كرن داكو پێدڤی و كێم وكاسی بهێته دیتن ب چاڤ سهروبهر ی ببینن داكو ئهوا دشیان دابیت بو وی خهلكێ ل ویرێ ئاكنجی بهێته كرن . .
