پارێزگه‌رێ دهوكێ دگه‌ل لژنا بلند یاخزمه‌تگوزاری ل پارێزگه‌هێ كوم بو

ئه‌ڤرو پشتی نیڤرو به‌رێز (فه‌رهاد ئه‌مین ئه‌تروشی) پارێزگه‌رێ دهوكێ كومبونه‌كا به‌رفره‌ه دگه‌ل رێڤه‌به‌رێن رێڤه‌به‌ریێن خزمه‌تكاری ل پارێزگه‌هێ كوم بو , دكومبونێ دا به‌راهیێ پارێزگه‌رێ دهوكێ گوهداریا هه‌ر رێڤه‌به‌ره‌كی جودا جودا كر كو ب تیروته‌سه‌لی به‌حسێ بزاڤ و چالاكیێن رێڤه‌به‌ریێن خو كر دبیاڤێ خزمه‌تكرنا وه‌لاتیان دا و ئاریشه‌ و ئاسته‌نگێن كارێ خویێ روژانه‌ دیار كرن بێخه‌مه‌ت نه‌هێلاناوان كێماسیان داكو باشتر خزمه‌تا وه‌لاتیان بهێته‌ كرن و گل و گازنده‌ بهێنه‌ كێمكرن , ب تایبه‌ت دبیاڤێ كاره‌بێ دا پارێزگه‌رێ دهوكێ داكوكی ل وێ چه‌ندێ كر كو پێدڤیه‌ هه‌می بزاڤ بهێنه‌ كرن كو ره‌وشا كاره‌بێ باشتر لێبهیت و گوت پێدڤیه‌ هه‌ویێن هاندنا خه‌لكێ بهێنه‌ كرن كو ئابوریێ دمه‌زاختنا كاره‌بێ دا بكه‌ن داكو ئاریشا كێمیا كاره‌بێ بهێته‌ چاره‌كرن و ده‌مژمێرێن كاره‌بێ بهێنه‌ زیده‌ كرن و پارێزگه‌رێ دهوكێ هه‌می پشته‌ڤانیا كارگێریا پارێزگه‌ها دهوكێ بو رێڤه‌به‌ریێن خزمه‌تگوزاری دوپاتكر بێخه‌مه‌ت باشتر خزمه‌تكرنا وه‌لاتیان و نه‌هێلانا كێم و كاسیان دبیاڤێ پێدڤیێن روژانه‌ یێن وه‌لاتیان دا ,,
هه‌ژی گوتنێ یه‌ كو رێڤه‌به‌رێن گشتی یێن كاره‌ب و رێك و پرا و باژێرڤانیا و هاتن و چونێ و رێڤه‌به‌رێن ئاڤا دهوك و ئاڤا ده‌وروبه‌ران و سولینێن پارێزگه‌ها دهوكێ و باژێرڤانیا دهوك و به‌رگریا شارستانی پشكدار كومبونێ بون.