ئهڤرو بهری نیڤرو 6-9-2015 بهرێز فهرهاد ئهمین ئهتروشی پارێزگهرێ دهوكێ دگهل هلبژێرین (مختارێن) باژێرێ دهوكێ كوم بو تێدا ب ئامادهبونا قایمقامێ دهوكێ و رێڤهبهرێ كاروبارێن نافخویی ل پارێزگههێ ,,,, بهراهیێ پارێزگهرێ دهوكێ دیار كر كوهلبژێر و كارێ وان گهلهك دگرنگن وخهلهكا پێكڤه گرێدنێ یه دنافبهرا هاولاتی وحكومهتێ دا و وهكو نوێنهرێن خهلكێ دگهل دهزگایێن حكومهتێ هێته نیاسین و ههر گل و گازندهكا خهلكێ و هاولاتیان ههبیت برێكا وان دگههیته حكومهتێ و ههروهسا دیار كر كو بو بابهتێ خزمهتگوزاریا ل ههر تاخهكی خزمهتهك یان پروژهك پێدڤی بیت برێكا مختارا دێ گههیت و داخازیێن خهلكێ تاخی دگههینیته دهزگایێن حكومهتێ ,
ههروهسا گوت بو بابهتێ ئێمناهیێ كارێ هلیژێرا گهلهك گرنگه ژبهر كو ههر خهلكهكێ بێته تاخی وهكو كریدار یان نوی دڤێت مختاری پێزانین ل سهر ههبن و گوت ئهف ئارامیا نوكه ههی ژ ئهنجامێ هاریكاری و پشتهڤانیا خهلكێ یه دگهل دهزگایێن ئیمناهیێ و ههروهسا كارێ مختارا یێ سهركهفتی ل ههر تاخهكێ ههبیت ,, و تهئكید كر كو ئارمانجا سهرهكی یا كومبونێ دگهل مختارا ئهوه گل و گازنده و پێدڤیێن تاخێن باژێری ب رێكا مختارا بزانیت و گوهداریێ بكهت ,
دیڤدا قایمقامێ دهوكێ پهسنا رولێ مختارا دبیاڤێ گههاندنا گازندێن وهلاتیان و پاراستنا ئارامی و تهناهیا باژێری كر ,
پاشی رێك بو هلژێرا هاته ڤهكرن كو گل و گازنده و ئاریشێن تاخێن باژێری بهرچاڤ بكهن و مختار مختار گازنده و پێدڤیێن تاخێن خو دیار كر و باهرا پێتریا وان گههاندنا پروژێن رێك و چێكرنا سولینا و گرانیا بهایێ كارهبا مولیدا و چهندین پێدڤیێن دی ,
ل دیماهیێ پارێزگهرێ دهوكێ دیار كر كو ئهف داخازیێن هاتینه كرن باهرا پێتریا وان درهوانه و دشیان دا ههیه بهێنه چارهكرن و ئهوێن دی ل دهمێ پهیدا بونا بودجا پێدڤی دێ هێنه چارهكرن ههروهسا پارێزگهرێ دهوكێ تهئكید كر كو ل كومبونێن بهێت دگهل مختارا دێ رێڤهبهرێن خوزمهتكاری یێن ئاڤ و كارهب و باژێرڤانی و سولینا و پهروهردێ ئامادهبن بو هندێ راسته و خو گازنده بگههنه وان و ل دیف شیانا چاره بكهن و ئاماژه كر كوكومبونێن دگهل مختارا دێ دبهردهوام بن.
