ئه‌ڤرو نیڤرو ل 16-8-2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ سه‌رپه‌رشتیا كومبونا هه‌یڤانه یا لژنا پیشه‌سازی ل پارێزگه‌ها دهوكێ كر دكومبونێ به‌راهیێ پارێزگه‌رێ دهوك داكوكی ل سه‌ر هندێ كر كو پێدڤیه عه‌رد بو وان پروژا بهێته ته‌رخانكرن یێن مفا دار و ئه‌و پروژه بن یێن كو به‌رهه‌م و ده‌لیڤێن كاری تێدا هه‌بیت و گوت : وه‌كو لژنا پیشه‌سازی دڤیت كار بكه‌ت بو دانانا و بجهئینانا كارگه‌هێن به‌رهه‌م هێنه‌ر و عه‌رد بو وان پروژا بهێته دابین كرن ,
دیڤدا برگه برگه گه‌نگه‌شه ل سه‌ر ئه‌جیندا كاری هاته كرن و پروژه پروژه به‌حسی مفای و گرنگیا وی هاته كرن بێخه‌مه‌ت په‌سه‌ند كرنا وان پروژا كو مفایه‌كی زور تێدا هه‌بیت و به‌رهه‌م هێنه‌ر بن و ئه‌و پروژێن گه‌نگه‌شه ل سه‌ر هاتیه كرن هنده‌ك ژوان یێن وه‌به‌ر هینانێ بون و هنده‌كێن دی یێن گه‌شه‌پێدانا پیشه‌سازی بون
پروژێن گه‌نگه‌شه ل سه‌ر هاتیه كرن پروژێ دانانا عمبارێن به‌رهه‌مێن سوته‌مه‌نیی ل ده‌ڤه‌را كواشێ بو كومپیانیا پیرس و كارگه‌ها چێكرنا كلینكسا یا وه‌به‌رهێنه‌ره‌كی دهوكێ و دانا موله‌تی بو كارگه‌ها نێركز و كارگه‌ها به‌رێ جوانیێ و كارگه‌ها جێكرنا موبیلیاتێن ئیستقبال هه‌روه‌سا گه‌نگه‌شا پروژێ دانانا ده‌ڤه‌را پی
شهسازیا سڤك ل ده‌ڤه‌را كانی سپیێ
پشتی گه‌نگه‌شێ پارێزگه‌رێ دهوكێ بوچون و پێشنیارێن خو ئێخستنه به‌رجاڤ بێخه‌مه‌ت خزمه‌تكرنا وه‌لاتیان و مفا وه‌رگرتنێ ژ هه‌ر كارگه‌ه و پروژه‌كێ دهێته په‌سه‌ند كرن ,
هه‌ژی گوتنێ یه پروژێن گه‌شه پێدانا پیشه‌سازی یێن ئه‌ڤرو گه‌نگه‌شه ل سه‌ر هاتیه كرن 7 پروژه بون و هه‌می یێن دانانا كارگه‌ها بون و یێن جوره و جور بون ,, هه‌روه‌سا پروژێن وه‌به‌رئینانێ یێن گه‌نگه‌شه ل سه‌ر هاتیه كرن 8 پروژه بون و كارگه‌هێن جودا بون.
