ل 15/6/2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ سه‌رپه‌رشتیا كومبونا هه‌یڤا نه یا لژنا خزمه‌تگوزاری ل پارێزگه‌هێ كر ,
دكومبونێ پارێزگه‌رێ دهوكێ داكوكی ل سه‌ر هندێ كر كو پێدڤیه به‌رده‌وام دیف چونا وان سه‌تكه‌را بهێته كرن یێن گرێدای ژیان و ژیارا وه‌لاتیان ب تایبه‌تی بیاڤێ ئاڤێ و كاره‌بێ و خزمه‌تێن باژێرڤانی و داكوكی ل هندێ ژی كر كو پێدڤیه خه‌لك باشتر بهێته راسپاردن بو ئابوری كرنێ دمه‌زاختنا ئاڤا ڤه‌خوارنێ دا و ئاڤ ب هه‌روه نه‌هێته بكار ئینان ورێڤه‌به‌ریا ئاڤا دهوكێ راسپارد كو ب رێكا راگه‌هاندنێ به‌رده‌وام بن ل سه‌ر هشیار كرنا وه‌لاتیان و هاندنا وان بو ئابوری كرنێ دئاڤێ دا.
دیڤدا رێڤه‌به‌رێن گشتی یێن فه‌رمانگه‌هێن خزمه‌تكاری جودا حودا به‌حسێ كه‌رتێن خو كرن و ئه‌و پێدڤی و كێم وكاسی دیار كرن كو پێدڤیه بهێنه چاره‌كرن داكو باشتر خزمه‌تا وه‌لاتیان بهێته كرن و پارێزگه‌رێ دهوكێ به‌رهه‌ڤیا كارگێریا پارێًزگه‌هێ دوپاتكر بو نه‌هێلانا هه‌ر كێماسی و ئاریشه‌كا هه‌بیت و دشیان دا بیت بهێته چاره‌كرن بو هندێ باشتر خزمه‌ت بهێته كرن بو وه‌لاتیان.
هه‌ره‌وسا داكوكی ل وێ لژنێ كر یا بو دیف چونا پروژێن ئاكنجیكرنێ هاتیه پێك ئینان كو كارێ خو بكه‌ن و وان خالا ده‌ست نیشان بكه‌ن یێن دبنه ئه‌گه‌رێ گیرو بون و په‌یدا كرنا ئاریشا ل به‌ر وان پروژان.
