ژپێخهمهت گهنگهشكرنا رهوشا دام ودهزگههێن حكومهتا ههرێما كوردستانێ وچاوانیا كاراكرنا سازیێن خزمهتكاری ل سهرانسهری پارێزگههێ ئهڤرو بهری نیڤرو 31-1-2016بهرێز فهرهاد ئهمین ئهتروشی پارێزگهرێ دهوكێ كومبونهك دگهل ههموو قایمقام ورێڤهبهرێن گشتی یێن فهرمانگههێن میری ئهنجامدا.
لبهراهیێ پارێزگهرێ دهوكێ بهحسێ وان قهیران كر یێن ب سهر ههرێمێ دا هاتین وهكو شهرێ داعش وقهیرانا دارایی وئابوری وگیروبونا موچا ونههنارتنا بودجێ ژلایێ حكومهتا ئیراقێ ونزمبونا بهایێن فروتنا گازێ ل سهر ئاستێ جیهانێ وههلوێن حكومهتا ههرێما كوردستانێ بو دهربازبون ژڤان قهیرانان ، پارێزگهرێ دهوكێ سوپاسیا ههموو رێڤهبهر وبهرپرس وكارمهندێن حكومهتێ كر ل دور خوراگری وبهردهوامیا وان ل سهر كاری دڤان كاودانان دا ودیاركر كو ئهڤێ خوراگریا وان رهنگڤهدانا خو برهنگهكێ ئهرێنی ل سهر ئاستێ حكومهتا ههرێما كوردستانێ دایه وخواست كو ئهڤ خوراگری یه یا بهردهوامبیت ههتا ژڤان قهیرانان دهربازدبین.
ولدور رهوشا بازاری وكێمكرنا بهایان گوت لیژنهك ل سهر ئاستێ ئهنجومهنێ وهزیران هاتیه پێك ئینان بو رێكخستنا بهایێن ناڤ بازاری كو بگونجیت ل دویف رهوشا نوكه.
پاش دهرگههێ دان وستاندنێ هاته ڤهكرن وپشكدارێن كومبونێ چهندین را وبوچون وپێشنیار بهرچاڤكرن بو وێ یهكێ ههموو فهرمانگههێن خزمهتكاری بشێن بهردهوام خزمهتا خهلكێ پارێزگههێ بكهن.
ل دوماهیێ ژی پارێزگهرێ دهوكێ تهكهزكر كو پشتهڤانیا كارگێریا پارێزگههێ بو ههموو سهكتهرێن خزمهتكاری دێ یا بهردهوامبیت بو وێ یهكێ ژیانا روژانه یا وهلاتیان ئاسایی بهێته ئهنجامدان وهكو پشتهڤانیكرنا فرنێن نانی ب سوتهمهنیێ وپشتهڤانیكرنا پروژێن ئاڤا ڤهخوارنێ وپروژێن كارهبێ وتهندورستی وسهكتهرێن دن وژوهلاتییان ژی خواست كو ههموو دهاریكاربن وئابوریێ دههموو تشتهكی دا بكهن بو وێ چهندێ ههموو پێكڤه ژقهیرانێن ب سهر دهڤهرێ دا هاتین دهربازببین.
