ئه‌ڤرو ئێڤارى 11/11/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ ب ئاماده‌بونا رێڤه‌به‌رێ ئه‌وقافا دهوك و هژماره‌كا زور یا ماموستایێن ئاینى و رێڤه‌به‌رێن ده‌زگایێن حكومه‌تا هه‌رێما كوردستانێ و جه‌ماوه‌رێ تاخَ ماسیكێ مزگه‌فتا برایان ل تاخێ ماسیكا 2 كو ژلایێ خیر خاز مشهود حجی امین ڤه‌هاتیه چێكرن ڤه‌كر مزگه‌فتا برایان ل سه‌ر روبه‌رێ 6400م2 هاتیه ئاڤاكرن ب كوژمێ 750 هزار دولاران هاتیه چێكرن وهه‌مى پێدڤیێن مزگه‌فتێن نوكه تێدا هه‌نه ,
دیڤدا قوتابخانه‌كا 12 رێزى ل تاخێ نافیبرىژلایێ پارێزگه‌رێ دهوكێ ب ئاماده‌بونا رێڤه‌به‌رێ گشتى یێ په‌روه‌رێ ل پارێزگه‌ها دهوكێ هاته‌ڤه‌كرن كو هه‌ر ژلایێ سه‌ر مایه‌دار مشهود حه‌جى ئه‌مین و برایێ ویڤه هاتیه ئاڤا كرن و كوژمێ زێده‌تر ژ 800 هزار دولارا لێهاتیه خه‌رج كرن و ل سه‌رروبه‌رێ 6500 م2 و هه‌مى پێدڤیێن قوتابخانێ تێدا هاتینه دابینكرن وه‌كو تاقیگه‌هێن زانستى و كومپیوته‌رى و كوره‌پانێن وه‌رزشى .
درێ و ره‌سمێن ئاهه‌نگا ڤه‌كرنا هه‌ردو پروژان دا به‌راهیێ پاێزگه‌رێ دهوكێ به‌رێز فه‌رهاد ئه‌مین ئه‌تروشى دپه‌یڤه‌كێ دا بناڤێ حكومه‌تا هه‌رێما كوردستانێ و كارگێریا پارێزگه‌ها دهوكێ پیروزباهیا قوتابى و خه‌لكێ تاخێ نافبرى كر بو ڤه‌كرنا ڤان پروژا و ئاماژه كره گرنگیا پێشڤه‌برنا زانست و زانینێ بو پێشكه‌فتنا هه‌ر ملله‌ته‌كى و داخاز ژ رێڤه‌به‌ریا په‌روه‌ر دێ و كارگێریا قوتابخانێ كر كو دهاریكار بن بو هندێ ئه‌ف پروژه جهى مفا وه‌رگرتنێ بیت و ده‌ست خوشى ل سه‌رمایه‌دار مشهود حه‌جى ئه‌مین و برایێ وى كر بو ئه‌نجام دانا ڤان پروژێن خیر خازیێ ,
دلایه‌كێ دیێ په‌یڤا خودا پارێزگه‌رێ دهوكێ گوت : حكومه‌تا هه‌رێما كوردستانێ ل به‌رنامێن خو یێن سالا نه ل ده‌مێ هه‌بونا بودجێ چ دره‌غى نه‌كریه بو بجهئینانا پروژێن په‌روه‌ردێ و بناغه‌كێ بهێز دانایه و بسه‌دان قوتابخانه و باغچێن زاروكا هاتینه ئاڤا كرن و هه‌رده‌م ل دیڤ شیانا پروژه هاتینه بجهئینان و سه‌كته‌رێن گریداى ژیانا وه‌لاتیان گرنگى پێ هاتیه دان ,
دیسان گوت كه‌س ناهیت وه‌لاتێ مه ئاڤا كه‌ت هه‌كه ئه‌م بخو ئاڤا نه‌كه‌ین و پێدڤیه خاندن نه بتنێ بو وه‌رگرتنا باوه‌رنامێ بیت به‌لكێ پێدڤى بو داهینانێ بیت و ئه‌و وه‌لاتێن داهینانێ دكه‌ن كه‌سێن وى وه‌لاتى مێشكێ خو دده‌نه كارى و خزمه‌تێن مه‌زن بو وه‌لاتێ خو دكه‌ن ,
ددیڤدا مشهود حه‌جى ئه‌مین دپه‌یڤه‌كێ دا سوز دا كو به‌رده‌وم بیت ل سه‌ر كارێ خێرێ بو وه‌لاتى چونكى كه‌سێن مه‌رده مێر ئه‌ف ئاخه ب خوینا خو پاراستیه و به‌ره‌ڤانى ژ كه‌رامه‌تا وه‌لاتیان كریه ئه‌ڤرو ئه‌ركه ل سه‌ر ملى هه‌مى وه‌به‌ر هینه‌ر و سه‌رمایه‌داران هاریكار بن بو ئاڤا كرنێ و نه‌هێلانا كێماسیان ,
ل دیماهیێ عمر على رێڤه‌به‌رێ گشتى یێ په‌روه‌ردێ ل پارێزگه‌ها دهوكێ بناڤێ په‌روه‌ردێ سوپاسیا وه‌به‌رهێنه‌ر حه‌جى مشهود كر بو ئاڤا كرنا وێ قوتابخانا پێشكه‌فتى و دیار كر كو پروژه‌كێ زور یێ گرنگه دێ ئاریشا خاندنێ لتاخه‌كێ مه‌زن چاره‌كه‌ت و گوت سه‌رمایه‌دار و وه‌به‌رهێنه‌رێن پارێزگه‌ها دهوكێ ل هه‌مى ده‌لیڤێن ته‌نگاڤیا هاریكار و پشته‌ڤان بوینه بو حكومه‌تا هه‌رێمێ و پیروزباهیا قوتابیێن تاخێ ماسیكا 2 كربو ڤه‌كرنا ڤێ قوتابخانێ.
