ئه‌ڤرو سپێدێ 26/ 11/2019 ل رێڤه‌به‌ریا به‌رهنگاربونا توند وتیژیێ دژى ئافره‌تان به‌رێز فه‌رهاد ئه‌مین ئه‌تروشى پارێزگه‌رێ دهوكێ هه‌وا به‌رهنگاربونا توند و تیژیێ دژى ئافره‌تان راگه‌هاند.
درێ ورسمێن راگه‌هاندنا هه‌وا به‌رهنگاربونا توند و تیژیێ دژى ئافره‌تان ب ئاماده‌بونا چه‌ند رێڤه‌به‌رێن په‌یوه‌ندیدار ورێكخراوێن مروڤایه‌تى وچه‌ند لایه‌ن وئافره‌تان ، رێڤه‌به‌رێ فه‌رمانگه‌ها به‌رهنگاربونا توند و تیژیێ دژى ئافره‌تان ل دهوكێ په‌یڤه‌ك پێشكێشكر تێدا بخێر هاتنا هه‌موو مێهڤانان كر وته‌كه‌زكر كو دروژا جیهانى یا به‌رهه‌نگاربونا توند وتیژیێ دژى ئافره‌تان دا چه‌ندین چالاكیێن جورا وجور ل هه‌موو نڤێسینگه‌ها ل سنورێ قه‌زایێن پارێزگه‌هێ دێ هێنه ئه‌نجامدان وخواست كو هه‌موو لایه‌ن ورێكخراوێن په‌یوه‌ندیدار هه‌ڤكاربن دگه‌ل فه‌رمانگه‌ها وان ژبو به‌لافكرنا هشیاریا به‌رهنگاربونا توند و تیژیێ دژى ئافره‌تان وسوپاسیا وان هه‌موو لایه‌نان كر یێن هه‌رده‌م هاریكاریا فه‌رمانگه‌ها به‌رهنگاربونا توندوو تیژیێ دژى ئافره‌تان دكه‌ن.
پاش كورته فلمه‌ك ل دور چاوانیا چاره‌سه‌ركرنا ئاریشێن خێزانى هاته به‌رچاڤكرن ل دوڤدا فلمه‌كێ ل دور چالاكیێن رێڤه‌به‌ریا به‌رهنگاربونا توند و تیژیێ دژى ئافره‌تان هاته نیشادان.
بڤێ هه‌لكه‌فتێ پارێزگه‌رێ دهوكێ په‌یڤه‌ك پێشكیشكر وته‌كه‌زكر كو بابه‌تێ به‌رهنگاربونا توندو تیژیێ دژى ئافره‌تان زور یێ گرنگه ودڤێت هه‌موولایه‌ن هاریكاریا رێڤه‌به‌ریا به‌رهنگاربونا توندو تیژیێ دژى ئافره‌تان بكه‌ن بو وێ یه‌كێ دیاردا توند وتیژیێ ل دژى ئافره‌تان بهێته كێمكرن.
هه‌روه‌سا گوت: دڤێت سال بو سالێ به‌رنامێن نوو بهێنه ئاماده‌كرن كو هشیاریا به‌رهنگاربونا توندو تیژیێ دژى ئافره‌تان دناڤ خێزانان وده‌یك وباب وهه‌موو جڤاكیدا بهێته به‌لافكرن هه‌روه‌سا سازیێن راگه‌هاندنێ ژى پتر رولێ خو ببینن ورێكێن چاره‌سه‌ریێ بهێنه دیتن وخواست كو هه‌موو لایه‌ن پتر هاریكاربن دگه‌ل فه‌رمانگه‌ها به‌رهنگاربونا توندو تیژیێ دژى ئافره‌تان بو وێ یه‌كێ ئه‌ڤ دیارده بهێته كێمكرن وژناڤبرن.
ل دوماهیێ پارێزگه‌رێ دهوكێ ئه‌ڤ هه‌وه ب شێوه‌كێ فه‌رمى بو ماوێ 15روژا راگه‌هاند وده‌ست خوشى ل رێڤه‌به‌ریا ناڤبرى كر بو ساخكرنا روژا جیهانى یا به‌رهنگاربونا توندو تیژیێ دژى ئافره‌تان.
پاش په‌یڤا رێكخراوا نه‌ته‌وێن ئێكگرتى ل دهوكێ هاته خاندن وته‌كه‌زى ل سه‌ر پێكڤه كاركرنێ كر ژبو نه‌هێلانا دیاردا توند وتیژیێ دژى ئافره‌تان.
لدوڤدا چه‌ند خه‌لات ل سه‌ر چالاكڤانان هاتنه به‌لافكرن.
ل دوماهیێ پێشنگه‌ها كارێن ده‌ستى وشێوه‌كارى یا ئافره‌تان هاته ڤه‌كرن.
هه‌ژى گوتنێ یه رێڤه‌به‌ریا به‌رهنگاربونا توندو تیژیێ دژى ئافره‌تان ل سالا 2007ێ ل دهوكێ هاتیه ڤه‌كرن ووده‌ه نڤێسینگه‌هێن رێڤه‌به‌ریێ ل قه‌زایێن پارێزگه‌هێ زێده‌بارى سه‌نته‌رێ راوێژكارى هه‌نه به‌رده‌وام دوڤ چونا به‌رهنگاربونا توندو تیژیێ دژى ئافره‌تان دكه‌ن.
