ئه‌ڤرو سپێدێ 15/ 10/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز ( د.ریمى) به‌رپرسێ رێكخراوا (UNFPA)ل ئیراقێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد احمد هاریكارێ پارێزگه‌رى بو كاروبارێن ئاواره وپه‌نابه‌ران به‌حسێ سه‌روبه‌رێ ده‌ڤه‌رێ وره‌وشا ئاواره وپه‌نابه‌ران ل سنورێ پارێزگه‌هێ وئه‌و خزمه‌تا بو دهێته پێشكێشكرن وهه‌ڤكارى وهاریكارى دناڤبه‌را هه‌ردوو لایان دا هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندێ رێكخراوا(UNFPA) دیاركر وده‌ست خوشى ل به‌رپرسێ رێكخراوا ناڤبرى كر وبه‌رهه‌ڤیا پارێزگه‌هێ نیشان دا بو هه‌ر هه‌ماهه‌نگییه‌كێ بو بجه ئینانا به‌رنامێن رێكخراوێ ل ده‌ڤه‌رێ .
