ئه‌ڤرو سپێدێ 26-11-2015به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز(د. ابراهیم سمو) به‌رپرسێ نڤێسینگه‌ها په‌رله‌مانێ كوردستانێ ل دهوكێ كر.
دهه‌ڤدیتنه‌كێدا به‌حسێ ره‌وشا پارێزگه‌ها دهوكێ وره‌وشا ئاواره وئه‌و خزمه‌تا كارگێریا پارێزگه‌هێ بو پێشكێش دكه‌ت وهه‌ولێن پارێزگه‌هێ دگه‌ل وه‌لاتێن جیهانێ وسازیێن نیڤ ده‌وله‌تی ژبو بده‌ستڤه‌ئینانا هاریكاریێن پێدڤی بو ئاواره وپه‌نابه‌ران هاته كرن.. .
دته‌وه‌ره‌كێ دن دا به‌حسێ هه‌ماهه‌نگیێ دناڤبه‌را پارێزگه‌ها دهوكێ و نڤێسینگه‌ها په‌رله‌مانێ كوردستانێ ل دهوكێ ژبوچاره‌سه‌ركرنا هه‌ر ئاریشه‌كێ وباشتر خزمه‌تكرنا وه‌لاتییان هاته كرن.. .
پارێزگه‌رێ دهوكێ ده‌ست خوشی ل نڤێسینگه‌ها په‌رله‌مانێ كوردستانێ ل دهوكێ وهه‌موو ئه‌ندامان كر وپشته‌ڤانیا پارێزگه‌هێ نیشان دا بو هه‌ر هاریكاری وهه‌ماهه‌نگییه‌كێ دگه‌ل نڤێسینگه‌ها په‌رله‌مانێ كوردستانێ ل دهوكێ ژبو خزمه‌تكرنا وه‌لاتییان. ..
ژلایێ خوڤه سه‌روكێ نڤێسینگه‌ها په‌رله‌مانێ كوردستانێ ل دهوكێ ده‌ست خوشی ل پارێزگه‌رێ دهوكێ وسازیێن پارێزگه‌هێ كر هه‌مبه‌ر ئه‌و كار وخزمه‌تێن بو ئاواره وپه‌نابه‌ران پێشكێش دكه‌ن تایبه‌تی دبیاڤێن بده‌ستڤه‌ئینانا هاریكاریێن نیڤ ده‌وله‌تی بو په‌نابه‌ر وئاواره‌ییان ل سنورێ پارێزگه‌هێ.
