ئه‌ڤرو نیڤرو 26/ 10/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز ( ئولیڤیێ دیكونیتیى) كونسلێ نوو یێ وه‌لاتێ فره‌نسا ل هه‌ولێرێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد احمد هاریكارێ پارێزگه‌رێ دهوكێ بو كاروبارێن مروڤایه‌تى به‌حسێ ره‌وشا پارێزگه‌ها دهوكێ وره‌وشا ئاواره وپه‌نابه‌ران نه‌خاسمه په‌نابه‌رێن روژ ئاڤا یێ كوردستانێ ئه‌وێن لڤان روژا ژبه‌رهێرشا تركیا بو سه‌ر روژئاڤایێ كوردستانێ په‌نابه‌ربوینه وقه‌ستا هه‌رێمێ كریه هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وپیروزباهیا كونسلێ نوو یێ وه‌لاتێ فره‌نسا ل هه‌ولێرێ كر وهیڤى یا سه‌ركه‌فتنێ بو خواست هه‌روه‌سا سوپاسیا وه‌لاتێ فره‌نسا وكونسلخانا فره‌نسى كر كو به‌رده‌وام هاریكاریا ئاواره وپه‌نابه‌ران وخه‌لكێ ده‌ڤه‌رێ دكه‌ت وخواست كو فره‌نسا پتر هاریكاریا ئاواره وپه‌نابه‌ران وخوجهێن ده‌ڤه‌رێ دهه‌موو بواره‌كیدا بكه‌ن.
هه‌ژى گوتنێ یه هه‌تا نوكه پتر ژ (12000) په‌نابه‌رێن روژئاڤا قه‌ستا سنورێن پارێزگه‌هێ كریه وپتریا وان ل كه‌مپا به‌رده‌ره‌ش هاتینه بنه‌جهكرن وهه‌ر ئه‌ڤرو سپێدێ كونسلێ نوو یێ وه‌لاتێ فره‌نسا ل هه‌ولێرێ سه‌ره‌دانا كه‌مپا به‌رده‌ره‌ش كریه وژنێزیك هایدارى ره‌وشا ئاكنجیێن كه‌مپێ بویه .
