ئه‌ڤرو پشتی نیڤرو 12/5/2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا (جێن پیرسی ) به‌رپرسا رێكخراوا خارنا جیهانی WFP ل ئێراقێ و شاندێ دگه‌لدا كر
دهڤدیتنه‌كێ دا به‌حسێ سه‌روبه‌رێ ئاواره و په‌نابه‌رێن سنورێ پارێزگه‌ها دهوكێ و به‌رنامێن رێكخراوا نافبری بو په‌یدا كرنا خارنا پێدڤی بو ئاوارا و په‌نابه‌ران هاته كرن ,
پارێزگه‌رێ دهوكێ ته‌ئكید ل سه‌ر هندێ كر كو پێدڤیه هاریكاریا وی خه‌لكی بهێته كرن یێن قه‌ستا جهێن خو دكه‌ن پشتی ده‌ڤه‌رێن وان دهێنه رزگار كرن هه‌روه‌سا ئاماژه كره وێ چه‌ندێ كو پێدڤیه به‌رهه‌ڤی بوو شه‌رێ رزگار كرنا میسل هه‌بن ژبه‌ر كو دێ هژماره‌كا مه‌زن یا خێزان ژبه‌ر ڤی شه‌ری ئاواره بن ,
دداخویانیه‌كێ به‌رێز جێن پیرسی به‌رپرسا رێكخراوا خارنا جیهانی دیار كر كو ئارمانجا سه‌ره‌دانا وێ بو دهوكێ ئه‌وه دگه‌ل پارێزگه‌رێ دهوكێ گه‌نگه‌شا سه‌روبه‌رێ ئاواره و په‌نابه‌ران بكه‌ن و هه‌ردوو لا ئاگه‌ه ژ به‌رنامێن ئیك دوو هه‌بیت و تێكه‌لی دنافبه‌را پارێزگه‌هێ و رێكخراوا واندا خورت رلێ بهێن و گوت : ئه‌ز هه‌ر 3 هه‌یڤا جاره‌كێ سه‌ره‌دانا دهوكێ دكه‌م داكو به‌رنامه و پلانێن مه باشتر برێڤه بچن و سه‌ركه‌فتی بن ,
دده‌رباره‌ی گڤاشتنا ل سه‌ر وه‌زاره‌تا بازرگانیا ئێراقێ بو هنارتنا باهرا ئه‌رزاقێ ئاوارا گوت : ئه‌م به‌رده‌وام گڤاشتنا كه‌ین و ل دیماهیا ڤێ هه‌یڤێ من كومبون دگه‌ل هه‌ردوو وه‌زریرێن بازرگانی و كوچبه‌رێن ئێراقێ ل هه‌ولێرێ هه‌یه ئه‌م دێ ڤان بابه‌تا دگه‌ل به‌حس كه‌ین و بزاڤێ كه‌ین ئه‌ف بابه‌ته بهێته ئیكلا كرن و باهرا وان یا ئه‌رزاقی بهێته ره‌وانی كرن
