ل رێكەفتی 5\11\2015 ئێڤاری به‌رێز (فه‌رهاد ئه‌مین ئه‌تروشی) پارێزگه‌رێ دهوكێ پێشوازیا به‌رێز (ئه‌ده‌ما دینگ )شیره‌تكارێ تایبه‌ت یێ بان كی مون سكرتێرێ نه‌ته‌وێن ئیكگرتی بو رێكگرتنێ ل جینوسایدێ و شاندێ دگه‌لدا كر ,
دهه‌ڤدیتنه‌كێ دا ب ئاماده‌بونا جێكرێ پارێزگه‌رێ دهوكێ و هاریكارێ پارێزگاری بو كاروبارێن ئاواره و پ
هنابهرا و دادوه‌رێ تایبه‌ت یێ كومكرنا به‌لكه و پێزانینا ل سه‌ر كه‌یسا جینوساید ناساندنا شنگارێ به‌حسێ ره‌وش و سه‌روبه‌رێ ئاواره و په‌نابه‌رێن ل كه‌مپێن سنورێ پارێزگه‌ها دهوكێ ئاكنجی هاته كرن ,
پارێزگه‌رۆێ دهوكێ كورتیه‌ك دا سه‌ر وان كارو خزمه‌تێن كارگێریا پارێزگه‌ها دهوكێ و رێكخراوێن UN و جڤاكێ سڤیل پێشكێشی ئاواره و په‌نابه‌ران كرین و دیار كر كو ل سنورێ پارێزگه‌ها دهوكێ 22 كه‌مپ هاتینه ئاڤا كرن و ژوان 4 كه‌مپ بو په‌نابه‌رێن سوریێ و یێن دی بو ئاوارێن نافخویا ئێراقێ كو باهرا پێتریا وان خه‌لكێ شنگارێ نه و ئاماژه كره سه‌ر وێ گڤاشتنا مه‌زن ئه‌وا ل سه‌ر پارێزگه‌ها دهوكێ په‌یدا بوی و داخاز كر كو پێدڤی یه جڤاكێ نێڤ ده‌وله‌تی باشتر و بهێز تر هاریكاریا هه‌رێما كوردستانێ ب گشتی و پارێزگه‌ها دهوكێ ب تایبه‌تی بكه‌ت ژبه‌ر كو هژماره‌كا زور یا ئاواره و په‌نابه‌را قه‌ستا ده‌ڤه‌رێ كریه و حكومه‌تا ئێراقێ ژی بودجه و موچێ فه‌رمانبه‌ران ئه‌ڤه نێزیكی دوو سالا یه راگرتیه ,,
شیره‌تكارێ سكرتێرێ نه‌ته‌وه‌یێن ئیكگرتی په‌سنا رولێ حكومه‌تا هه‌رێما كوردستانێ و پارێزگه‌ها دهوكێ كر بو خزمه‌تكرنا ڤێ رێژا مه‌زن یا ئاوارا و په‌نابه‌ران و به‌لێن دا كو سه‌روبه‌ری بو ئه‌وروپا و نه‌ته‌وه‌یێن ئیكگرتی ڤه‌گوهێزیت داكو هاریكاریا باشتر بو هه‌رێما كوردستانێ بهێته كرن ,,
دپرێس كونفرانسه‌كێ دا پارێزگه‌رێ دهوكێ خوشحالیا پارێزگه‌هێ نیشا دا ب سه‌ره‌دانا شیره‌تكارێ تایبه‌ت یێ سكرتیرێ UN بو رێكگرتنێ ل جینوسایدێ بو پارێزگه‌ها دهوكێ و دیار كر كو ئه‌و بابه‌تێ گرێدای ب كه‌یسا شنگارێ و ئاوارا ڤه بو هاتیه به‌حس كرن و پێنگاڤێن تا نوكه نڤیسینگه‌ها كومكرنا به‌لگه پێزانینا ل سه‌ر كه‌یسا شنگارێ بو مێهڤانی هاتیه كرن داكو برێكارێ ڤان پێزانینا بگه‌هینیه UN بێخه‌مه‌ت كار كرنێ ل سه‌ر جینوساید ناساندنا كه‌یسا شنگارێ ,,دیسان گوت هیڤی دارین ب سه‌ره‌دانا جه‌نابێ وی ئه‌ف كه‌یسا ل سه‌ر ئاستێ جیهانێ بهێته ناساندن وه‌كو جینوساید ,,
دیڤدا به‌رێز ئه‌ده‌ما دینگ. . شیره‌تكارێ تایبه‌ت یێ سكرتێرێ نه‌ته‌وه‌یێن ئیكگرتی بو ده‌زگایێن راگه‌هاندنێ گوت : ئه‌ز هاتیمه سه‌ره‌دانا پارێزگه‌ها دهوكێ بكه‌م داكو وه‌فاداریا خو نیشا بده‌م بو وان قوربانیێن ژبه‌ر تاوانیێن داعش ل شنگارێ ئه‌نجام دان و ئه‌ز دبینم ئه‌ڤه ئه‌ركێ منه وه‌كو شیره‌تكارێ تایبه‌ت یێ سكرتێرێ نه‌ته‌وه‌یێن ئیكگرتی و ئه‌ز هه‌ف خه‌مم دگه‌ل خه‌لكێ ڤی وه‌لاتی كو توشی گه‌له‌ك هێرشێن درندانه بویه ل سه‌ر ده‌ستێ داعش ,, و دیار كو ئه‌و دگه‌ل ئێزدیان ئاخفتیه داكو بزانیت كا ب چ رێك هاریكاریا وان بكه‌ین داكو دادپه‌روه‌ریێ ب ده‌ست خوڤه بینن ,,
دیسان گوت ئه‌ف تاوانێن ل شنگارێ هاتینه ئه‌نجام دان دگه‌هنه وی ئاستی كو بهێنه هژمارتن تاوانێن دژی مروڤایه‌تیێ و ببنه جینوساید و گوت ئه‌ڤه كارێ مه‌یه ئه‌م كار بكه‌ین كو جینوساید نه‌هێنه ئه‌نجام دان و ئه‌ڤه رولێ دادگه‌هانه دیف چون و ڤه‌كولینێ ل سه‌ر ڤان كه‌یسا بكه‌ن داكو بریارێ بده نكا جینوسایدن یان نه و سه‌حكه‌نه وان فاكته‌را یێن دبنه به‌لگه‌یێن دورست و تومار بكه‌ن ل ده‌ف خو ژبه‌ر چ جار چ ئه‌گه‌ر نینن كه‌سه‌ك یان لایه‌نه‌ك بزاڤێ بكه‌ت لایه‌نه‌كێ دی ژناف ببه‌ت ب چ به‌ها هه‌بیت چ ئاینی بیت یان نه‌ته‌وه‌یی بیت یا تایفی ,,
دیسان گوت پێخوشحالم كو حكومه‌تا هه‌رێما كوردستانێ و ب تایبه‌تی پارێزگه‌ها دهوكێ داكو ئه‌ف تاوانه بهێنه تومار كرن و ئه‌م ل پاشه روژه‌كا نێزیك ئه‌ف تاوانباره بهێنه به‌رده‌ستێ دادگه‌هێ ,
دیسان گوت : ئه‌م دبینین كو قه‌ردارێ هه‌می قوربانیێن خه‌لكێ ئێراقێ نه ژ هه‌می كێم نه‌ته‌وا ژبه‌ر كو ئه‌و هه‌ست دكه‌م مه وه‌كو UN ده‌ست ژوان به‌ردایه ,,
دیسان دلایه‌كێ دیێ په‌یڤا خودا سوپاسیا پارێزگه‌رێ دهوكێ كر كو ئه‌و هژمارا زور یا ئاوارا حه‌واندی و خزمه‌تا وان كری دسه‌ر هندێ را كو سه‌ربه‌رێ ئابوری یێ هه‌رێمێ گه‌له‌ك خرابه و گه‌له‌ك پاره ل به‌ر ده‌ستی نینه و هه‌روه‌سا ئاژانسێن UN پاره‌كێ كێم دده‌ست دایه بو هاریكاری كرنا ئاواره و په‌نابه‌را ل ده‌ڤه‌رێ و گوت : ئه‌ز دێ ڤێ نامێ گه‌هینمه لایه‌نێن په‌یوه‌ندیدار ب تایبه‌تی ل ئه‌وروپا داكو ئه‌م بزاڤێ بكه‌ین تشته‌كێ باش بده‌ینه به‌رده‌ستێ حكومه‌تا هه‌رێمێ داكو بارگرنیا ل سه‌ر هه‌رێمێ كێم بكه‌ت و باشتر بشێن خزمه‌تا ئاواره و په‌نابه‌را بكه‌ن و ئه‌گه‌ر جڤاكێ نێڤ ده‌وله‌تی هاریكاریێ بو هه‌رێمێ بكه‌ت باشتر ژ هندێ كو ئاواره قه‌ستا ئه‌وروپا بكه‌ن. .
