ئه‌ڤرو سپێدێ 10-9-2015
به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز (ئه‌لمار كاتو ) كاربه‌رێكه‌رێ كاروبارێن بالیوزخانا فلپین ل ئێراقێ و شاندنێ دگه‌لدا كر ,
دهه‌ڤدیتنه‌كێ گه‌نگه‌شه و دان و ستاندن ل سه‌ر سه‌روبه‌رێ ده‌ڤه‌رێ ژلایێ ئابوری و بازرگانی و چاوانیا پشكداری كرنا كومپانیێن وه‌لاتێ فلپین دپروژێن وه‌به‌ر هێنه‌ردا هاته كرن ,
كاربه‌رێكه‌رێ بالیوزخانا فلپین دیار كر كو گه‌له‌ك گرنگه سه‌ره‌دانا هه‌رێما كوردستانێ و هه‌ر سێ پارێزگه‌هێن وێ بهێته كرن داكو وێنه ب دورستی دیار ببیت و گوت : نوكه 10 % ژ خه‌لكێ فلپین ژ ده‌رڤه‌ی وه‌لاتێ خو كار دكه‌ن و ل كوردستانێ زێده‌تر ژ 2000 كریكار هه‌نه كار دكه‌ن و خواست كو ده‌لیڤه هه‌بیت هه‌فپشكی دگه‌ل كومپانیێن نافخویی كومپانیێن فلپینی رولێ خو دئاڤاكرنا كوردستانێ داب بینن و ب تایبه‌ت دكه‌رتێ په‌روه‌ردێ دا ,
ژلایێ خوڤه پارێزگه‌رێ دهوكێ سه‌رباری خوشحالیا خو هه‌مبه‌ر سه‌ره‌دانا نافبری بو پارێزگه‌هێ خواست كو وه‌لاتێ فلپین پشكداریه‌كا به‌رچاڤ هه‌بیت دئاڤاكرنا و پروژێن وه‌به‌رهێنه‌ر دا و ته‌ئكید ل سه‌ر بزاڤ و چالاكیێن ئابوری كر بو پێشڤه‌برنا ئابوری و بازرگانیێ كر و خواست كو وه‌لاتێ فلپین دبیاڤێ ساخله‌میێ دا ژی رول هه‌بیت و به‌رهه‌ڤیا كارگێریا پارێزگه‌هێ بو هه‌ر ئاسانكاریه‌كاپێدڤی بیت بو كومپانیێن بیانی كو رولێ خو دئاڤاكرنا كوردستانێ دا برێكا پروژێن وه‌به‌ر هێته‌ر دا ببینیت دوپاتكر ,,
هه‌روه‌سا دلایه‌كێ دیێ هه‌ڤدیتنێ دا گه‌نگه‌شا بوارێ گوزاری و چاوانیا پێشڤه‌برنا وی و پشكداری كرنا كومپانیێن تایبه‌تمه‌ند یێن فلپین دڤی بواری دا هاته كرن.
هه‌ژی گوتنێ یه كو كاربه‌رێكه‌رێ بالیوزخانا فلپین ب مه‌ره‌ما پشكداری كرنا ڤیسته‌ڤالا فلمێن سینه‌مایی سه‌را پارێزگه‌هێ دایه.
