پشتی سه‌رپه‌رشتیا كومبونه‌كا به‌رفره‌ه یا لژنا پیشه‌سازیێ ل پارێزگه‌ها دهوكێ كری 
دپریس كونفرانسه‌كی دا پارێزگه‌رێ دهوكێ دیار كر كو ئه‌ڤه چه‌ندین كومبون بو پێشڤه‌برنا كه‌رتێ پیشه‌سازیێ ل پاریزگه‌هێ هاتنه به‌ستن دڤێ كومبونا ئه‌ڤرو دا گه‌له‌ك بابه‌ت هاتینه به‌حس كرن و بابه‌تێ هه‌ره سه‌ره‌كی بابه‌تێ پارزنینگه‌هێن كواشێ بویه و راوه‌ستاندنا كارێ وان , و گوت : ئه‌ڤی بابه‌تی ئه‌ڤه زێده‌تره ژ 7 هه‌یڤا گه‌نگه‌شه ل سه‌ر دهێته كرن پشتی گه‌له‌ك سكالا ژلایێ وه‌لاتیان ڤه هاتین بو حكومه‌تا هه‌رێمێ كو ژلایێ ساخله‌میێ ڤه كه‌له‌ك خرابی تێدا بون و خه‌لكێ زیان دگه‌هه‌شتێ زێده‌باری تیك دانا ژینگه‌هێ و ئه‌ردێ چاندنێ و ئه‌ف بریاره نه یا ژنشكه‌كێ ڤه بو به‌لكی پشتی گه‌نگه‌شه‌كا باش ئه‌ف بریاره هاتیه دان و هیج مه‌رجه‌كێ ساخله‌میێ تێدا نه‌بون زێده‌باری پیسكرنه‌كا مه‌زن بو ژینگه‌هێ و پیس كرنا ئه‌ردێ چاندنێ له‌وما دبه‌رژه‌وه‌ندیا گشتی دا ئه‌ف بریاره هاتیه دان ,,
دیسان پارێزگه‌رێ دهوكێ به‌رهه‌ڤیا لژنا پیشه‌سازی دیار كر كو دگه‌ل خودانێن وان پارزنینگه‌ها روینن و هه‌كه ل دیف مه‌رج و سالوخه‌تێن ته‌ندورست و ژینگه‌هی بن و بدورستی بارزنینگه‌ها دانن ئه‌و حازر نكو هه‌می هاریكاریا بو بكه‌ن و ئه‌گه‌ر نه ئه‌ف پارزنینگه‌هێن هاتینه گرتن ب زێده‌گاڤی هاتبونه دانان و باهرا پێتریا وان ده‌ستیری نه‌بویه و هنده‌ك كارگه‌هێن دی بون كرینه پارزنینگه‌ه ,,
هه‌ژی گوتنێ یه ب بریاره‌كا كارگێریا پارێزگه‌ها دهوكێ پشتی چه‌ندین دان و ستاندن و كومبون هاتینه كرن و دیار بوی كو زیانێن مه‌زن یێن ساخله‌میێ و بو ژینگه‌هێ و ئه‌ردێ چاندنێ تێدا نه بریا دا وان هه‌می پارزنینگه‌ها دایخیت و كارێ وان بهێته راوه‌ستاندن.
