ئه‌ڤرو سپێدێ 1/10/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پشكداریا ساخكرنا روژا جیهانى یا دانعه‌مرا ل دهوكێ كر به‌راهیێ پارێزگه‌رێ دهوكێ دگه‌لدا رێڤه‌به‌رێ گشتى یێ چاڤدیریا جڤاكى ل پارێزگه‌هێ گه‌ریانه‌ك دناڤ مالا دانعمه‌را دا كر و سه‌حكره رێك و پێكى و خزمه‌تا بو دهێته پێشكێشكرن ,
دیڤدا درێ و ره‌سمێن ساخكرنا وێ بیره‌وه‌ریێ دا به‌راهێى صباح محه‌مه‌د عه‌لى رێڤه‌به‌رێ مالا دانعه‌مرا دپه‌یڤه‌كێ دا بخێرهاتنا مێهڤانێن به‌رێز كر و به‌حسێ وان خزمه‌تا كر یێن ئه‌و پێشكێشدكه‌ن بو دانعه‌مرێن ل مالا دانعه‌مرا ئاكنجى ودیار كر كو ل سالا 1991 نه‌ته‌وه‌یێن ئێكگرتی بریارا دا كو روژا ئێكێ هه‌یڤا چریا ئێكێ ل هه‌ر سال ببیته روژا جیهانى یا دانعه‌مرا ,
دیڤدا به‌رێز پارێزگه‌رێ دهوكێ بیروزباهیا دانعه‌مرێن ئاكنجیێن مالا \انعه‌مرا و هه‌مى دانعه‌مرێن سنورێ پارێزگه‌هێ كر و گوت مه دجڤاكێ خودا ئه‌ف مالێن دانعه‌مرا نه‌بوینه و به‌لگه بو ڤێ چه‌ندێ ئه‌ف رێڤه‌به‌رى و مالێن تایبه‌ت بو خودانكرنا دانعه‌مرا ل دهوكێ نه‌بون ئه‌ڤه‌بخو كاره‌كێ گه‌له‌ك یێ باش بو و ئه‌و چه‌ند دیار دكر كو هه‌ر خێزانه‌كێ زاروكێن وان گرنگى ددا ده‌یك و بابیێن خو و بخودان و سه‌خبیر دكرن و گوت ئه‌م هه‌مى بێكڤه ج حكومه‌ت یان جڤاك و رێكخراوێن تایبه‌ت مه‌ند و ئه‌ڤرو ژى مامو ستایێن ئاینى روله‌كێ مه‌زن دڤێ چه‌ندێ دا بێدڤیه ببینن كو ئه‌ڤ دیارده هندى دشیان دا بیت كێم ببیت و ئه‌ز دبیژم كاره‌كێ باش نینه هژمارا خه‌لكێ دانعه‌مرا ل جهێ ڤه‌حه‌واندنێ زیده ببن ژبه‌ر كو ئه‌ف تشته ل ره‌وشت و تیتالێن كوردایه‌تیێ دا نه‌بوینه ,, لێ ژیانا ئه‌ڤرو و سه‌خیا وێ دبیت ئه‌و ره‌وشت كێمكر بن لێ دیسا حكومه‌تا هه‌رێمێ و كارگێریا پارێزگه‌هێ و جاڤدێریا كومه‌لایه‌تى ب ئه‌ركێ خو رابویه و ده‌ست خوشیێ ل ڤى ستافى هه‌میێ دكه‌م ,كو كاره‌كێ گه‌له‌ك بیروز و مه‌زن دكه‌ن ,,دیسان داخازى ژ سه‌رمایه‌دار و زه‌نگینێن سنورێ پارێزگه‌هێ كر كو ده‌ستێ هاریكاریێ بو ڤى خه‌لكى درێژ كه‌ن و ئه‌و مه وه‌كو حكومه‌ت دشیاندا بیت دێ پشته‌ڤان و هاریكار بین ,
ل دیماهیێ خه‌لات ل سه‌ر دانعه‌مرێن مالا دانعه‌مرا ئاكنجى بولافكرن ,
هه‌ژى كوتنێ یه كو17 دانعه‌مر ل مالا دانعه‌مرا ل دهوكێ هاتینه ئاكنجیكرن و ل ده‌ستپێكا سالا 2019 ێ هاتیه ڤه‌كرن و هه‌مى خزمه‌تێن پێدڤى بو دهێنه پێشكێشكرن خارن و ڤه‌خارن و شیشتن و خزمه‌تێن ساخله‌میێ و جل و به‌رگ .
