ئه‌ڤرو سپێدێ 18/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز (دكتور ئه‌حمه‌د ئه‌لمونزر ) رێڤه‌به‌رێ روژهه‌لاتا ناڤه‌رست یێ ساخله‌میا جیهانى (WHO) و شاندێ دگه‌لدا كر دهه‌ڤدیتنه‌كێ به‌حسێ ره‌وشا ساخله‌میێ ل سنورێ پارێزگه‌ها دهوكێ و پێدڤى و كێم و كاسیێن كه‌رتێ ساخله‌میێ هاته كرن ,
به‌رپرسێ رێكخراوا ساخله‌میا جیهانێ داكوكى كر كو دێ هاریكاریێن رێكخراوا وان بو پارێزگه‌ها دهوكێ دبیاڤێ ساخله‌میێ دا به‌رده‌وام بیت و برێكا ئوفیسا دهوكێ یا رێكخراوا نافبرى پروژێن ساخله‌میێ دبه‌رده‌وام بن , و گوت ئارمانج ژ سه‌ره‌دانێ ئه‌وه ژ نێزیك ئاگه‌ه ژ ره‌وشا ساخله‌میا دهوكێ و پێدڤیێن وان هه‌بیت و پێشكێشكرنا 2 ئه‌مبولانسێن پێشكه‌فتى بو ساخله‌میا دهوكێ و دیار كر كو هه‌فكارى دنافبه‌را وان و پارێزگه‌ها دهوكێ دا ل ئاسته‌كێ گه‌له‌ك پێشكه‌فتى یه و سوپاسیا پارێزگه‌رێ دهه‌كێ و رێڤه‌به‌ریا ساخله‌میا دهوكێ كر بو وێ هه‌فكاریا به‌رده‌وام و ئاسانكاریێن دهێنه كرن بو بجهئینانا پروژێن رێكخراوا وان ل سنورێ پارێزگه‌هێ ,
ژلایێ خوڤه پارێزگه‌رێ دهوكێ سوپاسیا رێكخراوا ساخله‌میا جیهانى كر بو هاریكارى و پشته‌زڤانیا وان یا به‌رده‌وام بو ساخله‌میا پارێزگه‌ها دهوكێ تایبه‌ت ل ده‌مێ قه‌یرانا و شه‌رێ داعش كو گه‌له‌ك هاریكارى و پشته‌ڤانێ بو ساخله‌میا دهوكێ پێشكێش كریه و بڤێ هه‌لكه‌فتێ ئارمه‌كێ (درع ) پارێزگه‌ها دهوكێ پێشكێشى رێڤه‌به‌رێ رێكخراوا نافبرى ,,
هه‌ژى گوتنێ یه كو ئه‌ڤرو سپێدێ رێكخراوا ساخله‌میا جیهانى 2 ئه‌مبولانس پێشكێشى رێڤه‌به‌ریا گشتى یا ساخله‌میا دهوكێ كرن و به‌رى نوكه‌ژى چه‌ندین ئه‌مبولانس و بنگه‌هێن ساخله‌میێ یێن گه‌روك پێكیچشى ساخله‌میا پارێزگه‌ها دهوكێ كرینه و ئه‌ڤرو بنگه‌هه‌كێ ساخله‌میێ ل سنورێ قه‌زا سێمێلێ بو خزمه‌تكرنا ئاوارا ل سنورێ قه‌زایێ ڤه‌كر .
