پارێزگه‌رێ دهوكێ پێشوازیا بالیوزێ كه‌نه‌دا ل ئێراقێ و ئوردن كر

ئه‌ڤرو 4\11\2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز برونو ساكومانی بالیوزێ كه‌نه‌دا ل ئێراقێ و ئوردن كر ,
دهه‌ڤدیتنه‌كێ دا ب ئاماده‌بونا ئیسماعیل محه‌مه‌د ئه‌حمه‌د هاریكارێ پارێزگه‌رێ دهوكێ بو كاروبارێن ئاواره‌ و په‌نابه‌ران به‌حسێ ره‌وشا ده‌ڤه‌رێ ژ هه‌می لایه‌كێ و ب تایبه‌تێ سه‌روبه‌رێ ئاوارا و چاوانیا هاریكاری كرنا وان و دابینكرنا پێدڤیێن وان یێن گرنگ هاته‌ كرن ,,
پارێزگه‌رێ دهوكێ سوپاسیا وه‌لاتێ كه‌نه‌دا و بالیوزێ كه‌نه‌دا كر بو وان هاریكاری و پشته‌ڤانیێن به‌رده‌وام ژ ده‌ستپێكا په‌یدا بونا هاتنا ڤان ئاوارا بو پارێزگه‌هێ تا نوكه‌ هه‌روه‌سا به‌حسێ پێدڤیێن ده‌ڤورێ ژ پروژێن گرنگ و ته‌ئكد كر كو وه‌لاتێ كه‌نه‌دا به‌رفره‌هتر هاریكاریا ده‌ڤه‌رێ بكه‌ت دهه‌می بیاڤادا
بالیوزێ كه‌نه‌دا په‌سنا رولێ كارگێریا پارێزگه‌ها دهوكێ و خه‌لكێ پارێزگه‌هێ كر دپێشوازی كرن و هاریكاری كرنا ڤێ هژمارا مه‌زن یا ئاوارا ئه‌وا قه‌ستا پارێزگه‌ها دهوكێ كرین و به‌رهه‌ڤیا وه‌لاتێ خو دیار كر كو هاریكاریێن به‌رفره‌هتر بو پارێزگه‌ها دهوكێ و كوردستانێ بكه‌ت ,,
هه‌ر ئه‌ڤرو پارێزگه‌رێ دهوكێ وبالیوزێ كه‌نه‌دا سه‌ره‌دانا كه‌مپا خانكێ یا ئاوار كر ,, رێڤه‌به‌رێ كه‌مپێ سوپاسیا وه‌لاتێ كه‌نه‌دا كر كو ئه‌و پروژێ ئاڤێ ب هاریكاریا وێ هاتیه‌ بجهئینان و قه‌یرانا كێم ئاڤیێ رزگار كرین و بناڤێ ئاكنجیێن كه‌مپێ سوپاسیا بالیوزێ كه‌ندا كر دیڤدا بالیوزێ كه‌نه‌دا پێشوزایا دوو خێزانێن كورد یێن ئێزدی كو ل كه‌مپێ ئاكنجی نه‌ كر و وان هه‌ردوو خێزانا سوپاسیا بالیوزێ كه‌نه‌دا و پارێزگه‌ها دهوكێ كر بو وان هاریكاری و پشته‌ڤانیێن بو ئاوارا كرین.
هه‌ژی گوتنێ یه‌ نوكه‌ ل كه‌مپا خانكێ 3120 خیفه‌ت هاتینه‌ دانان و 2839 خێزان تێدا ئاكنجینه‌ و هژمارا خه‌لكێ كه‌مپی 17120 كه‌سن و هه‌می خه‌لكێ شنگارێ نه‌.