ئه‌ڤرو به‌رى نیڤرو 31/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز خانم ئیزابێلا رێڤه‌به‌رى رێكخراوا UNDP ل كوردستانێ و شاندێ دگه‌لدا كر
دهه‌ڤدیتنه‌كێ دا ب ئاماده‌بونا به‌رێزان بهزاد على ئاده‌م جێگرێ پارێزگه‌رێ دهوكێ وئیسماعیل محه‌مه‌د ئه‌حمه‌د هاریكارێ پارێزگه‌رێ دهوكێ بو كاروبارێن مروڤایه‌تى به‌حسێ ره‌وشا ده‌ڤه‌رێ و پێدڤیا وێ ب پروژێن خزمه‌تكارى یێن گرێداى ژیان و ژیارا وه‌لاتیان و به‌رنامێن رێكخراوا نافبرى هاته كرن ,
پارێزگه‌رێ دهوكێ ده‌ست خوشى ل رێكخراوا نافبرى كر بو بجهئینانا هژماره‌كا پروژێن خزمه‌تكارى ل سنورێ پارێزگه‌ها دهوكێ یێن گرێداى ژیانا روژانه یا وه‌لاتیانه و داخازیا به‌رده‌وامیا بجهئینانا پروژان كر ,
ژلایێ خوڤه به‌رپرسا رێكخراوا نافبرى دیار كر كو پارێزگه‌ها دهوكێ ژپارێزگه‌هێن هه‌ره سه‌ركه‌فتیه دبیاڤێ كارى و هه‌فكاریا وێ دگه‌ل رێكخراوێن نه‌ته‌وه‌یێن ئێكگرتى گه‌له یا باشه و دیار كر كو ئه‌و دێ به‌روده‌وام بن ل سه‌ر پشته‌ڤانى كرنا پارێزگه‌هێ و بجهئینانا پروژێن پێدڤى ,
هه‌ژى گوتنێ یه كو رێكخراوا UNDP نوكه هژماره‌كا پروژا ل سنورێ پارێزگه‌ها دهوكێ دبیاڤێ رێكا و كاره‌بێ دا بجه دئینیت و ل نێزیك دێ كه‌ڤنه دخزمه‌تا وه‌لاتیان دا .
