ئه‌ڤرو سپێدێ 11/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا خانم ( حمیده ره‌مه‌دانى ) رێڤه‌به‌را گشتى یا رێكخراوا یونسێف (UNICEF)ل ئیراقێ وشاندێ دگه‌لدا كر.
دهه‌ڤدیتنه‌كێدا به‌حسێ به‌رنامێن رێكخراوا یونسێف ل ئیراقێ ب گشتى ول هه‌رێما كوردستانێ ول پارێزگه‌ها دهوكێ ب تایبه‌تى هاته كرن.
دته‌وه‌ره‌كێ دن به‌حسێ پلانا پێنچ سالى یا رێكخراوا یونسێف دبیاڤێ پشته‌ڤانیكرنا زاروك و ژنان وپروژێن ئاڤێ ب گشتى هاته كرن.
رێڤه‌به‌را گشتى یا رێكخراوا یونسێف (UNICEF)ل ئیراقێ سوپاسیا پارێزگه‌رێ دهوكێ وهه‌موو سازیێن په‌یوه‌ندیدار یێن پارێزگه‌ها دهوكێ كر كو به‌رده‌وام هه‌ڤكاریێ دگه‌ل تیمێن یونسێف دكه‌ن وژبه‌ر وێ هه‌ماهه‌نگیێ به‌رنامێن رێكخراوا یونسێف بره‌نگه‌كێ سه‌ركه‌فتیانه ل دڤه‌رێ دهێنه بجه ئینان.
پارێزگه‌رێ دهوكێ خوشحالیا خو ب سه‌ره‌دانا شاندێ رێكخراوا یونسێف (UNICEF) دیاركر وده‌ست خوشى ل تیمێن رێكخراوێ كر ئه‌وێن كار وپروژێن جودا جودا ل سنورێ پارێزگه‌هێ بجه دئینن تایبه‌تى پروژێن گرێداى ب ژن وزاروكان و په‌ره‌پێدانا پروژێن ئاڤێ وخواست كو رێكخراوا یونسێف (UNICEF) قه‌بارێ پروژێن خو ل سنورێ پارێزگه‌هێ به‌رفره‌هبكه‌ت وپشته‌ڤانیا پارێزگه‌هێ نیشان دا بو هه‌ر هه‌ڤكاریه‌كێ .
