ئه‌ڤرو سپێدێ 8-9-2015
به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز پیته‌ر دریسدیل سه‌روكێ گروپێ بزنس مانێن كوردستانێ كر ,
دهه‌ڤدیتنه‌كێ به‌حسێ ره‌وشا ئابوری و بازركانی ل هه‌رێما كوردستانێ و كارتێكرنا شه‌رێ داعش وقه‌یرانا دارایی یا عێراقێ و كوردستانێ ل سه‌ر بزڤا ئابوری و بارزگانی و كارێ بزنسمانا هاته كرن ,,
پارێزگه‌رێ دهوكێ داكوكی ل وێ چه‌ندێ كر كوپێدڤیه كار بهێته كرن بزاڤا ئابوری و بازرگانی ب وه‌رار بكه‌ڤیت نه بتنێ ل سه‌ر لایه‌نێ مروڤایه‌تی و كاروبارێن ئاواره و په‌نابه‌ران كار بهێته كرن و دیار كر كو ب هاتنا داعش و ڤێ رێژا مه‌زن یا ئاواره و په‌نابه‌را بو پارێزگه‌ها دهوكێ كارتێكرن كریه سه‌ر هه‌می سه‌كته‌رێن ژیانێ و پێدڤیه كار ل سه‌ر خورت كرنا بزاڤا ئابوری و بازرگانی و په‌یدا كرنا ده‌لیڤێن كاری ل سنورێ پارێزگه‌هێ بهێته كرن ,
دلایه‌كێ دیێ هه‌ڤدیتنێ دا به‌حسێ رویشتنا گروپێ بزنسمانێن كوردستانێ ل ئوتێلا ریكسوس هاته كرن كو بریاره ئه‌ڤرو ئێڤاری ل ئوتێلا ریكسوس بهێته ئه‌نجام دان و دیاركر كو ئارمانج ژ ڤێ رویشتنێ ئه‌وه توره‌كا هه‌فكاریێ و ههفنیاس
ینێ بو بابه‌تێ بهێزكرنا ئابورێ كوردستانێ دورست بكه‌ن و ئه‌و لاوازیا تا نوكه په‌یدا بوی بهێته چاره‌كرن و ئابور و بازرگانیا هه‌رێمێ ب بزاڤ بكه‌ڤیت. هه‌ژی گوتنێ یه گروپێ بزنسمانێن كوردستانێ ل سالا 2003 وه‌ره ل كوردستانێ هاتیه دامه‌زراندن بو پێشڤه‌برن و ب وه‌رار پێشئێخستن و رێكخستنا كارێ بزنسمانێن كوردستانێ و زێده‌كرنا هه‌فكاریێ دنافبه‌را بزنسمانێن كوردستانێ و بیانی دا ب تایبه‌ت بریتانیا و ئه‌مریكا وهند ده‌وله‌تێن دی .
