ئه‌ڤرو به‌رى نیڤرو 16/10/2019 به‌رێز( فه‌رهاد ئه‌مین ئه‌تروشى ) پارێزگه‌رێ دهوكێ پێشوازیا شانده‌كێ ئیسپانى ب سه‌روكاتیا (ماریانا رامو ) شیره‌تكارا سیاسى ل بالیوزخانا ئیسپانیا ل به‌غدا كر ,
دهه‌ڤدیتنه‌كێ به‌حسێ سه‌روبه‌رێ ده‌ڤه‌رێ و كارتێكرنا شه‌رێ توركیا دگه‌ل روژئاڤا ل سه‌ر سه‌روبه‌رێ پارێزگه‌هێ و هاتنا په‌نابیه‌را و چاوانیا خوبه‌رهه‌فكرنا حكومه‌تا هه‌رێما كوردستانێ بو هه‌ر پێشهاته‌كا نه خازیار هاته كرن .
شیره‌تكارا سیاسی یا بالیوزخانا ئیسپانیا ل به‌غدا به‌رهه‌ڤیا وه‌لاتێ خو ده‌ربرى بو هه‌مى هاریكارى و پشته‌ڤانیه‌كا پێدڤى بیت دبیاڤێن مروڤایه‌تى و ره‌وشه‌نبیرى و زانستى و جڤاكى دا بو هه‌رێما كوردستانێ ب كشتى و پارێزگه‌ها دهوكێ ب تایبه‌تى و دوپاتكر كو ئه‌و دێ دهه‌مى بوارا دا بزاڤێ كه‌ن په‌یوه‌ندیێن بهێز دگه‌ل حكومه‌تا هه‌رێما كوردستانێ هه‌بن و پێشڤه به‌ن
پارێزگارێ دهوكێ سوپاسیا هه‌لویستێ وه‌لاتێ ئیسپانیا كر و پشته‌ڤانیا وان یا به‌رده‌وام بو حكومه‌تا هه‌رێما كوردستانێ ب تایبه‌تى بیاڤێ مروڤایه‌تى و داكوكى كر پێدڤیه په‌یوه‌ندى دهه‌مى بیاڤادا پێش بكه‌ن وبه‌رده‌وام بن .
