ل 
17/6/2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ كومسیونا نێڤ ده‌وله‌تی یا لێپرسین و دادپه‌روه‌ریێ ب سه‌روكاتیا مستر روبه‌رت كر ,
دهه‌ڤدیتنه‌كێ دا ب ئاماده‌بونا به‌رێز به‌ره‌ڤان حه‌مدی نوێنه‌رێ وه‌زیرێ شه‌هید و ئه‌نفالكریان ل هه‌رێما كوردستانێ به‌حسێ كارێ بو كومكرن و دكیومینت كرنا تاوانێن ل دژی كوردێن ئێزدی ل شنگارێ و به‌رنامێ نڤیسینگه‌ها توماركرن و به‌لگه‌كرنا تاوانێن دژی ئێزدیان ژلایێ داعش ڤه هاته كرن ,
پارێزگه‌رێ دهوكێ دیار كر كو سه‌نته‌رێ نافبری كاره‌كێ باش ئه‌نجام دایه و سوپاسیا هاتنا وان كر و ده‌ست خوشی ل كارمه‌ندێن كارێ سه‌نته‌رێ جینوساید ناساندنا كه‌یسا شنگارێ كر ,
ژلایێ خوڤه نوێنه‌رێ وه‌زیرێ شه‌هید و ئه‌نفالكریان سوپاسیا پارێزگه‌رێ دهوكێ و كارگێریا پارێزگه‌هێ كر بو ڤه‌كرنا سه‌نته‌رێ جینوساید ناساندنا كه‌یسا شنگارێ و دیار كر كو كاره‌كێ باش هاتیه كرن و به‌رده‌وامه ,
ژلایێ خوڤه شاندێ نافبری دیار كر كو ئه‌و هاتینه بو هاریكاری كرنا حكومه‌تا هه‌رێمێ و ل سه‌ر داخازیا وان هاتینه دا دیف چونا وان تاوانا بكه‌ن یێن ب سه‌رێ كوردێن ئێزدی هاتین و ب ره‌نگه‌كێ زانستی هاریكاریێ بكه‌ن و هه‌می پێزانینا ب رێك و پێكی و زانستی ل دور جینوسایدێ ئاماده بكه‌ن ,
هه‌ژی گوتنێ یه تیمێ نافبری سه‌ره‌دانا سه‌نته‌رێ جینوساید ناساندنا كه‌یسا شنگارێ ل باژێرێ دهوكێ كه‌ت داكو پێدڤیێن وی بزانیت و شاره‌زایا خو نیشا وان بده‌ن
تانوكه 21 جورێن تاوانا هاتیه تومار كرن و 516 كه‌سا سكالا تومار كریه و 264 فایل ژلایێ ڤه‌كوله‌را ڤه بدیماهیك هاتینه.
