ل روژا 26-8-2015 به‌رێز فه‌رهاد ئه‌مین ئهتر
وشی پارێزگه‌رێ دهوكێ پێشوازیا ده‌سته‌یا كارگێری یا سه‌نته‌رێ ره‌وشه‌نبیریێ ئاشوری ل پارێزگه‌ها دهوكێ ب سه‌روكاتیا( ئه‌زریا ئاده‌م ) سه‌روكێ سه‌نته‌ری كر ,
دهه‌ڤدیتنه‌كێ دا شاندێ نافبری ده‌ست خوشی ل جه‌نابێ پارێزگه‌رێ دهوكێ و كارگێریا پارێزگه‌ها دهوكێ كر بو وان خزمه‌ت هاریكاریێن مه‌زن یێن بو هه‌می ئاواران كری و ب تایبه‌تی ئاوارێن مه‌سیحی یێن ژبه‌ر زولم و زوریا تیرورستێن داعش قه‌ستا پارێزگه‌هێ كری و دیار كر ئه‌وا ل پارێزگه‌ها دهوكێ بو وێ رێژا مه‌زن یا ئاوارا هاتیه كرن ل چ ده‌وله‌تا نه دهاته كرن و ئه‌ڤه ژی نیشانا باوه‌ریا سه‌ركردایه‌تیا سیاسی یا كوردستانێ یه ب پێكڤه ژیانا هه‌می ئول و نه‌ته‌وا وه‌كو برا ل سه‌ر ئاخا كوردستانێ , دلایه‌كێ دیێ هه‌ڤدیتنێ دا به‌حسێ بزاڤ و چالاكیێن سه‌نته‌رێ نافبری و ئاسته‌نگێن كارێ وان هاته كرن و دیار بو كو تا نوكه ئه‌ڤه ژ سالا 1992 یێ وه‌ره سه‌نته‌رێ ره‌وشه‌نبیریێ ئاشوری كه‌تیه كاری وچه‌ندین بزاڤ و دیف چون كرینه لێ ده‌ستیریا ره‌سمی پێ نه‌هاتیه دان و داخاز كر كو حكومه‌تا هه‌رێمێ ده‌ستیرێ ب ره‌سمی ب ده‌تێ داكو كارێ خو باشتر دبیاڤێ ڤه‌كرنا خولێن ره‌وشه‌نبیری دا بو ئه‌ندامێن خو ئه‌نجام بده‌ن هه‌روه‌سا شاندی دیار كر كو ژبه‌ر ئاكنجی بونا هژماره‌كا زور یا خێزانا دئاڤاهیێ سه‌نته‌ری دا بویه ئه‌گه‌رێ تێك برن و بێ سه‌رو به‌ركرنا وی ,
پارێزگه‌رێ دهوكێ ده‌ست خوشی ل كارێ سه‌نته‌ری یێ ره‌وشه‌نبیری كر و به‌رهه‌ڤیا كارگێریا پارێزگه‌هێ ل دیف یاسای و شیانا بو هه‌ر هاریكاری و پشته‌ڤانیه‌كا پێدڤی بیت بو سه‌ركه‌فتنا كارێ وان یێ ره‌وشه‌نبیری و خزمه‌تكرنا گه‌نجێن سه‌نته‌ری ل سنورێ پارێزگه‌ها دهوكێ دوپاتكر
