به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ جڤاتا نه‌ته‌وه‌یی یاكلدانی ب سه‌روكاتیا سه‌میر عزو داوود سكرتێرێ گشتی یێ جڤاتا نافبری كر ,
دهه‌ڤدیتنه‌كێ دا ب ئاماده‌بونا به‌رێز ئیسماعیل محه‌مه‌د ئه‌حمه‌د هاریكارێ پارێزگه‌رێ دهوكێ و به‌رپرسێ جڤاتا كلدانی ل ئوسترالیا به‌حسێ ره‌وش و سه‌روبه‌رێ ئاوارا ب گشتی و ب تایبه‌تی ئاوارێن مه‌سیحی و ئه‌و هاریكاری و پشته‌ڤانیێن بو هاتینه كرن ژلایێ كارگێریا پارێزگه‌ها دهوكێ ڤه هاته كرن ,
پارێزگه‌رێ دهوكێ كورتیه‌ك دا سه‌ر وان پێنگاڤێن هاتینه هاڤێتن بو خوشكرنا ژیان و ژیلرا ئاواری ل سنورێ پارێزگه‌هێ و ئاڤا كرنا كه‌مپا و گه‌هاندنا پروژێن پێدڤی یێن خزمه‌تكاری بو وان كه‌مپا و دیار كر كو ئه‌وا دشیانێن حكومه‌تا هه‌رێمێ دا بیت یا هاتیه كرن ,
ژلایێ خوڤه سه‌روكێ شاندێ نافبری ده‌ست خوشی ل كارگیریا پارێزگه‌هێ و جه‌نابی پارێزگه‌ری كر بو وێ پشته‌ڤانی و هاریكاریا ل ئاوارا كری بێ جوداهی و ب تایبه‌تی ئاوارێن مه‌سیحی ل سنورێ پارێزگه‌هێ ,
ژلایێ خوڤه به‌رپرسێ جڤاتا كلدانی ل ئوسترالیا دیار كر كو ئه‌وا ل كوردستانێ و ب تایبه‌ت ل پارێزگه‌ها دهوكێ هاتیه كرن بو ئاوارا جهێ سه‌رسورمانێ یه و ل چ وه‌لاتا نه‌هاتیه كرن ب رێژه‌كا مه‌زن ئاواره هاتنه پارێزگه‌هێ و حكومه‌ت و خه‌لكێ پارێزگه‌هێ لێبونه خودان و ئه‌وا پێدڤی بیت بو ئاوارا هاته كرن و دیار كر كو وان به‌رنامه‌ك هه‌یه كو هه‌ر خێزانه‌كا مه‌سیحیێن ل ئوستورالیا خێزانه‌كا ئاواره ب ستو خوڤه بگریت و هه‌ر چ نه‌بیت هه‌یڤانه مه‌بله‌غێ 100 دولارا بو ره‌وزانه بكه‌ت داكو هنده‌ك پێدڤیێن خو دابین بكه‌ت , و دیار كر كو ئارمانح ژ سه‌ره‌دانا وان ئه‌وه ژنێزیك ئاكه‌ه ژ سه‌روبه‌رێ ئاوارا و پێدڤیێن وان ببیت و بزانن كا دێ شێن ج هاریكاریێن دی بو پێشكێشكه‌ن , و هه‌ر بڤێ هه‌لكه‌فتێ داخاز ژ پارێزگه‌رێ دهوكێ كر كو سه‌ره‌دانا ئوسترالیا بكه‌ت داكو تێكه‌لی باشتر لێ بهێن و به‌رهه‌ڤی دیار كر كود شێت هژماره‌كا كومپانیێن جیكی و جینی بینیته پارێزگه‌هێ بو بجهئینانا پروژێن وه‌به‌رهینانێ دهه‌ر بیاڤه‌كێ پێدڤی بیت.
دیسان الارسالیه المارونیه كو هژماره‌كا گه‌نجێن مه‌سیحی نه ل ئوسترالیا دگه‌ل شاندی بون به‌رهه‌ڤیا خو دیار كر كو هاریكاریا ئاوارێن ده‌ڤه‌رێ بكه‌ن و ده‌ست خوشی ل پارێزگه‌رێ دهوكێ كر بو وێ هاریكاری و پشته‌ڤانیا ل ئاوارا هاتیه كرن و دیار كر كو چ ده‌وله‌تا ئه‌ڤه نه‌دكر ئه‌وا ل پارێزگه‌ها دهوكێ بو ئاوارا هاتیه كرن .
