ئه‌ڤرو پشتی نیڤرو ل 8-9-2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز ئه‌نگس مكگی كونسلێ بریتانیا ل هه‌رێما كوردستانێ و شاندێ دگه‌لدا كر ,
دهه‌ڤدیتنه‌كێ به‌حسێ ره‌وشا ده‌ڤه‌رێ ژلایێ ئابوری و بازرگانێ و كارتێكرنا شه‌رێ تیرورستێن داعش ل سه‌ر بزاڤا بازرگانی و ئابوری و كارێ وه‌به‌ر ئینانێ ل هه‌رێما كوردستانێ ب گشتی و پارێزگه‌ها دهوكێ ب تایبه‌تی هاته كرن ,
دلایه‌كێ دیێ هه‌ڤدیتنێ به‌حسێ ره‌وشا ئاواره و په‌نابه‌ران ل سنورێ پارێزگه‌ها دهوكێ هاته كرن و ئه‌و خزمه‌تێن تا نوكه كارگێریا پارێزگه‌ها دهوكێ و رێكخراوێن UN و خێرخازی بو خوشكرنا ژیانا ئاواره و په‌نابه‌ران كرین ,
شاندێ نافبری دیار كر كو ئارمانج ژ هاتنا وان پشكداری كرنه دروینشتنا گروپێ بزنسمانێن كوردستانێ بو خورتكرنا هه‌فكاریا ئابور
ی و بازرگانی و دیار كر كو چه‌ندین كومپانیێن مه‌زن یێن بریتانێ دگه‌ل خو ئیناینه وه‌كو كومپانیا جاگوار و چه‌ندێن دی یێن مه‌زن پێشكه‌فتی ب ئارمانجا زڤدراندنا باوه‌ریێ بو كومپانیێن بیانی بێخه‌مه‌ت خورتكرنا بزاڤا وه‌به‌رئینانێ و بازرگانیێ ل هه‌رێما كوردستانێ ,
پارێزگه‌رێ دهوكێ داكوكی ل هاریكاری و پشته‌ڤانیا به‌رده‌وام یا بریتانیا بو كه‌رتێ ئابوری و بازرگانیێ كوردستانێ كر ,
دیسان پارێزگه‌رێ دهوكێ هاریكاریا نێڤ ده‌وله‌تی خواست بو هندی هاریكاریا ئاوارا بهێته كرن بزڤرنه ڤه سه‌ر جهێن خو ب تایبه‌ت ئه‌و ده‌ڤه‌رێن هاتینه رزگار كرن و پێدڤی ب خزمه‌تێن گرنگ هه‌یه وه‌كو سنونێ و ره‌بیعه و زمار و گوندێن وان.
