ئه‌ڤرو سپێدێ 10/ 9/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز ( چۆى كوانژین) كونسلێ كوریا باشور وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن دوو قولى دناڤبه‌را كوریا باشور وهه‌رێما كوردستانێ وئه‌و هاریكاریێن حكومه‌تا كوریا باشور ب رێكا سازیا كویكا پێشكێشى هه‌رێما كوردستانێ وپارێزگه‌ها دهوكێ دكه‌ت هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وپیروزباهیا كونسلێ نوو یێ كوریا باشور ل هه‌رێما كوردستانێ كر وداخازا سه‌ركه‌فتنێ بو كر وده‌ست خوشى ل كونسلێ كوریا وحكومه‌تا وى وه‌لاتى كر هه‌مبه‌ر ئه‌و هاریكاریێن پێشكێشدكه‌ن وخواست كو حكومه‌تا كوریا باشور پترهاریكاریا هه‌رێما كوردستانێ تایبه‌تى پارێزگه‌ها دهوكێ بكه‌ت .
ژلایێ خوڤه كونسلێ كوریا باشور به‌رهه‌ڤیا وه‌لاتێ خودیاركر كو به‌رده‌وام دێ هاریكاریا هه‌رێما كوردستانێ وپارێزگه‌ها دهوكێ كه‌ن ودهه‌موو بواراندان.
