ل سپێده‌یا 26/7/2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا شاندێ لژنا داكوكی كرنێ ل مافێ ژنان یا په‌رله‌مانێ كوردستانێ ب سه‌روكاتیا ئێڤار ئیبراهیم سه‌روكا لژنا نافبری كر ,
دهه‌ڤدیتنه‌كێ دا ئه‌ندامێن لژنا نافبری دیار كر كو ئارمانج ژ سه‌ره‌دانا وان بو دهوكێ زانینا سه‌روبه‌رو كاودانێن وان ئافره‌تێن ژ ده‌ستێن تیرورستێن داعش رزگار بون و هه‌می ئافره‌تێن ئاواره ,, هه‌روه‌سا شاندێ نافبری ده‌ست خوشی ل پارێزگه‌رێ دهوكێ و كارگێریا پارێزگه‌هێ كر بو وان خزمه‌تێن مه‌زن یێن بو ئاوارا ب رێك و پیَِكی هاتینه كرن هه‌روه‌سا ڤه‌كرنا چه‌ند سه‌نته‌رێن تایبه‌ت بو چاره‌كرنا ئاوارا و ب تایبه‌ت سه‌نته‌رێ چاره‌سه‌ركرنا وان ئافره‌تێن ژ ده‌ستێ داعش رزگار دبن ل ساخله‌میێ ب كارو پێنگاڤه‌كا ژ هه‌ژی ل قه‌له‌م دا و داخاز كر كوباشتر هاریكاری و هه‌فكاریا سه‌نته‌رێن گرێدای كه‌یسا ئاوارا و ب جینوساید ناساندنا كه‌یسا شنگارێ بكه‌ن داكو كارێ وان سه‌ركه‌فتیانه تر برێڤه بچیت ,, هه‌روه‌سا گوت ب هه‌فكاریا لایه‌نێن په‌یوه‌ندیدار دێ بزاڤێ كه‌ن كو ئاماره‌كا دورست بو وان ژنا بكه‌ن یێن ژ ده‌ستێن داعش رزگار بوین داكو موچه‌كێ هه‌یڤانه بو دابین بكه‌ن ب رێكا حكومه‌تا به‌غدا و دیار كر كو ب هه‌فكاریا رێڤه‌به‌ریا كاروبارێن ئیزدیان ل وه‌زاره‌تا ئه‌وقافێ و بنگه‌هێ لالش دیف چونێ ل سه‌روبه‌ر و ئامارێن وان ئافره‌تا دكه‌ن.
ژلایێ خوڤه پارێزگه‌رێ دهوكێ كورتیه‌ك دا سه‌ر وان كار و پێنگاڤێن كارگێریا پارێزگه‌ها دهوكێ بو ئاكنجیكرن و خزمه‌تكرنا ئاوارا هاڤێتین و دیار كر كو هه‌می خزمه‌تێن ده‌ست پێكی ل كه‌مپێن دهوكێ هاتینه به‌رهه‌فكرن و ئاماژه كره وان كارتێكرنێن هاتنا ڤێ رێژا مه‌زن یا ئاوارا بو دهوكێ ل سه‌ر هه‌می سه‌كته‌رێن ژیانێ یێن ئابوری و جڤاكی و ساخله‌میێ و په‌روه‌ردێ ئاڤێ و كاره‌بێ كرین و دیار كر كو گه‌له‌ك زیان ب ژێرخانا پارێزگه‌هێ كه‌فتینه دڤان بیاڤادا و به‌رهه‌ڤیا كارگێریا پارێزگه‌هێ بو هه‌ر هاریكاری و هه‌فكاریه‌كا پێدڤی بیت بو خزمه‌تكرنا ئاوارا و ئافره‌تێن رزگار بوی ژ ده‌ستێ داعش دوپاتكر ,
هه‌ژی كوتنێ یه شاندێ لژنا نافبری سه‌ره‌دانا رێڤه‌به‌ریا گشتی یا ساخله‌میا دهوكێ و رێڤه‌به‌ریا توند و تیژیێ دژی خێزانێ و سه‌نته‌رێ تایبه‌ت یێ چاره‌سه‌ركرنا وان ئافره‌تێن ژ ده‌ستێ داعش رزگار دبن ل ساخله‌میا دهوكێ و سه‌نته‌رێ كومرنا به‌لگا و دكیومینت كرن وان ب جینوساید ناسندنا شنگارێ كرن
